Zyrtare: Bundesliga rifillon më 15 Maj, pa publik!

Liga gjermane e futbollit, DFL, ka bërë të ditur mbrëmjen e sotme se gara do të rifilloj më 15 maj dhe pa publik.

Federata ka konfirmuar se Bundesliga do të rifilloj me përballjet e xhiros 26-të, e  

Fortuna Diseldorf dhe Paderborn do të jetë ndeshja që do të shënoj rifillimin e stinorit i cili u ndërpre për shkak të pandemisë së koronavirusit.

Kancelarja Angela Merkel sot në kuadër të lehtësimit të masave për shkak të pandemisë së koronavirusit ndër të tjera ka lejuar edhe vazhdimin e stinorit të futbollit.

Bundesliga do të jetë liga e parë e madhe evropiane e cila do të vazhdoj garën, e cila është ndërprerë për gati dy muaj për shkak të pandemisë së koronavirusit. Siç raporton France Presse, DFL ka dërguar një qarkore për 36 klube të ligës së parë dhe të dytë të cilat më 15 maj do të vazhdojnë garën.

“Pas vlerësimit të të gjitha argumenteve, kryesia e DFL ka vendosur që të vazhdoj garën në Bundesligë dhe ligën e dytë më 15 maj,” theksohet në letrën të cilën e kanë publikuar Bild dhe Kiker.

Deri në fund stinorit të Bundesligës kanë mbetur edhe dy xhiro, e Bayern renditet i pari me katër pikë më shumë se sa Borusia Dortmund.