Letër Zv/Presidentit SHBA, Kryeministri Kurti jep arsyet

Kryeministri në detyrë i Kosovës, Albin Kurti, ka sqaruar edhe njëherë se pse i ka dërguar Letër Zv/Presidentit të Shteteve të Bashkuara, Mike Pience, duke theksuar se kundërshtarët e keqinformuan të deleguarin për bisedime me Kosovën dhe Serbinë, Richard Grenell.

“Besoni se unë ditë e natë mendojë për Kosovën, për situatën e pandemisë. As nuk e kam kohën, dëshirën, interesin dhe mundësinë që të tash të mendojë se sa janë të duhur emisarët e super-fuqive. Gjykata Kushtetuese ka marrë vendim për masën e përkohshme dhe mendojë se do ta interpretoj çështjen në mënyrë të drejtë.  E ka përvojën e rasteve paraprake që nuk janë të ndryshme me aktualitetin tonë as në aspektin formal as material. I ka edhe aktgjykimet e saja.”

Keqinformimi nuk njeh as Kosovë as kohë dhe është gjithmonë i mundshëm, tha Albin Kurti, duke shtuar se është detyrë e tij që aty ku vërej keqinformim të bëj informimin e saktë dhe të drejtë.

“Duhet ta kuptoni se jetojmë në epokën ku edhe informatat janë pjesë të betejave politike.  Në Kosovë ka ndodhë ndryshimi i madh me 6 tetorit dhe me qeverisjen tonë që ende s’i ka bërë 100 ditë. Regjimi i vjetër po përpiqet me çdo kusht që mos të shkojë nga skena ashtu siç ka vendosur populli,” Kryeministri Albin Kurti duke përfunduar:

“Nuk duhet të befasoheni nga zelli i kundërshtarëve të qeveritë tonë për të keq-qeverisur kudo dhe këdo.” 

Ndërkohë nga zyra e emisarit amerikan Richard Grenell nuk kanë pranuar ta komentojnë fare letrën e kryeministrit në detyrë, Albin Kurti, dërguar në adresë të Zv/Presidentit të SHBA, Mike Pence, ku Kurti ishte ankuar se Thaçi ka keqinformuar Grenellin rreth idesë së shkëmbimit të territoreve.