Pas shkarkimeve, Kurti: Zyrtarët e korruptuar piskasin “Amelika, Amelika”!

Kryeministri në detyrë i Kosovës, Albin Kurti duke sqaruar shkarkimet e bordeve dhe drejtorëve në ndërmarrjet publike, ka deklaruar se sa herë qeveria këtyre zyrtarëve iu cenon interesat korruptive, fillojnë të bërtasin “Amelika, Amelika”. Por, shtoi ai, të korruptuarit nuk do t’i mbrojë më askush dhe as SHBA.

“Sa herë që këtyre zyrtarëve të korruptuar qeveria e jona, e juaj e mirë iu cenon interesat korruptive, fillojnë e piskasin ‘Amelika, Amelika’. E keni vërejtur se si orvatën të keqpërdorin Amerikën sa herë që ia përmend korrupsionin. SHBA nuk i mbrojnë më të korruptuarit, ka kaluar çfarëdo kohe e imagjinuar e mund të gjejë strehim në SHBA për shkak të korrupsionit në vendin tënd,” tha Kryeministri Albin Kurtiduke shtuar:

“SHBA nuk i kanë thënë askujt të vjedhin popullin tënd. Unë nuk kam asnjë kritikë nga SHBA për shkarkimin e bordeve e drejtorëve. E vetmja kritikë më vjen prej këtyre të shkarkuarve.”