Qeveria e Sllovenisë i jep fund epidemisë, ajo e Shqipërisë kërcënon me terror. Çfarë thonë shifrat…
Pas përditësimit të dhënave me koronavirusin, ministrja e Shëndetësisë dhe Mbrojtjes Sociale, Ogerta Manastirliu, shprehu shqetësim të madh për këto shifra duke pretenduar se ky është maksimumi i lejuar nga skenarët e hapjes dhe paralajmëron rikthimin e terrorit dhe mundësinë e kthimit në gjendjen e mëparëshme. Po cilat janë ato shifra që tmerruan Manastirliun dhe Qeverinë e saj Edi Ramës kur shifrat nga Sllovenia, shteti i parë në Evropë që shpalli sot fundin e epidemisë, janë shumë më të thella se ato shqiptare.
“Ekspertët tanë e kanë thënë që në kryer të herës. Faza e lehtësimit merr kuptim vetëm nëse shoqërohet me një ulje të qëndrueshme të numrit të infektimeve. Plani i lehtësimit të masave varet vetëm nga bashkëpunimi me ju. Është e vërtetë që ndëshkimet nuk janë zgjidhja, por është po aq e vërtetë se nuk mund të penalizohet një popull i tërë nga një pakicë, veprimet e së cilës mund të shkaktojnë dëme të pallogaritshme,” ministrja e Shëndetësisë dhe Mbrojtjes Sociale e cila rritjen aktuale e konsideron si maksimum të lejuar ndërsa për rritjen e mëtejme, Manastirliu kërcënoi me hapa të menjëhershëm.
“Rritja në këto shifra e rasteve të reja është maksimumi i lejuar nga skenarët tanë të hapjes. Rritja e mëtejshme do të na detyronte të ndërmerrnim hapa të menjëhershëm për të mos lejuar një valë të dytë goditëse, që do të hidhte në erë atë që është arritur deri më sot. Nëse do të vazhdohet me tendencën përkeqësuese të ditëve të fundit, do të jemi të detyruar të bëjmë hapa pas. Dhe kjo nuk është në interes të askujt! Sigurisht nuk ka vend për alarm, por jemi në një moment ku kërkohet përgjegjshmëri nga çdo qytetar. Mbrojtja e shëndetit të qytetarëve është mbi gjithçka. Ditët në vijim do të jenë vendimtare për planin e rihapjes.”
Rritja në këto shifra e rasteve të reja është maksimumi i lejuar sipas ministres së Shëndetësisë, Ogerta Manastirliu, por a mund ta arsyetohet terrori që paralajmëroi Manastirliu!
Sot, Qeveria e Sllovenisë, shtet i Bashkimit Evropian, i dha fund epidemisë ndonëse ky shtet me 2.094.060 banorë, në dy javët e fundit kishte 35 raste të reja, dhe nga 4 Marsi deri më 13 Maj kishte 1.464 të infektuar dhe 103 të vdekur.
Për të qenë korrekt me lexuesin, Shqipëria me 2.845.955 banorë në dy javët e fundi kishte 109 raste të reja, deri më sot 916 të infektuar, 705 të shëruar dhe 31 të vdekur.
Pra, Sllovenia ku e ku i ka shifrat më mizerabël se Shqipëria dhe Kryeministri Janez Jansha nuk kërcënoi. Arsyeja e vetme që sot u shpallë fundi i epidemisë, u konstatua pas shumë analizave, se me zgjatjen e kësaj situate deri në fund të muajit qershor, bazuar në ligjin e emergjencave, shtetit do ti kushtonte disa miliarda euro.
Meqë Edi Rama ndihmat ekonomike i ka fjalë dhe jo euro, kërcënimi nuk është rastësi e komunikimit ndonëse bazuar në shifrat aktuale, duhet edhe shumë kohë që të arrihen shifrat sllovene.
