Pas akuzave të Metës, Ambasada amerikane: Nuk duhet të çorientohemi, synimi…

Pas akuzave të Presidentit të Republikës, Ilir Meta, për bllokimin e Reformës në Drejtësi nga Edi Rama me ndihmën e SHBA dhe BE ndërsa ka publikuar mesazhin e një diplomati amerikan për ta konfirmuar këtë gjë, ka reaguar Ambasada e Shteteve të Bashkuara duke theksuar se reforma në drejtësi po ecën përpara dhe duhet të vazhdojë, në mënyrë që Shqipëria të bëhet anëtare e plotë e familjes europiane.

“E gjithë Ambasada e Shteteve të Bashkuara të Amerikës do të vijojë të mbështesë synimin e popullit shqiptar. Ne nuk duhet të humbasim përqëndrimin, ne nuk duhet të çorientohemi, synimi është i qartë, populli shqiptar foli dhe reforma në drejtësi duhet të ecë përpara, hap pas hapi,” thekson Ambasada e SHBA në reagimin e saj duke përsëritur se eforma është e dhimbshme, e ngadaltë dhe e papërsosur por është e nevojshme.

Ndryshe, mbrëmë Presidenti i Republikës, Ilir Meta, gjatë një interviste në një televizion kombëtar publikoi këtë mesazh për të kuptuar, siç tha ai, si punojnë disa ndërkombëtarë në Tiranë për Reformën në Drejtësi.

“Ky është një diplomat korrekt dhe ka qenë në atë takim. Ai e ka nisur këtë në emër të ambasadës amerikane dhe ambasadës së BE. Mirmëngjes Beni thotë. I takova kolegët e mi amerikanë dhe të BE dhe folëm më Ramën në telefon dhe nuk e mbështesin pozicionin e presidentit për pezullimin dhe këtë nuk ma thanë në darkë. Ata besojnë që Arta Vorpsi tani është caktuar si rezultat i mekanizmit zhbllokues dhe ata do të dalin sot publikisht dhe kemi rënë dakord që mos i bjerë të fikët presidentit. Rama megjithatë ra dakord që Marsida Xhaferllari të jetë në listën e presidentit për nominim për tjetrën. Dhe Rama nuk do përpiqet të bllokojë këtë. Pra, është Rama që i bllokon dhe jo KED që i infiltron kandidatët. Ky është mesazhi i një diplomati që ishte në takim në darkë. Por, ky është një qëndrim i turpshëm, anti-kushtetues. Nuk janë lojërat e Amerikës, por lojërat e ekspertëve,” thekson Ilir Meta

Këto lojëra, konstaton Meta pasi akuzon Edi Ramën dhe SHBA e BE, nuk janë të Amerikës por të ekspertëve amerikanë, duke harruar se ky ekspert është angazhuar nga po ky shtet.

Reagimi i plotë:

Shtetet e Bashkuara mbeten vendosmërisht të përkushtuara ndaj reformës në drejtësi, e cila është kërkesë e popullit shqiptar.

Në përgjigje të kësaj kërkese, në vitin 2016, Parlamenti miratoi unanimisht ligjet themelore për reformën.

Prej atëherë, janë ngritur institucione kyçe dhe zbatimi vazhdon për t’i bërë ato funksionale. Reforma është e dhimbshme, e ngadaltë dhe e papërsosur por është e nevojshme.

Reforma në drejtësi po ecën përpara dhe duhet të vazhdojë, në mënyrë që Shqipëria të bëhet anëtare e plotë e familjes europiane.

E gjithë Ambasada e Shteteve të Bashkuara të Amerikës do të vijojë të mbështesë synimin e popullit shqiptar.

Ne nuk duhet të humbasim përqëndrimin, ne nuk duhet të çorientohemi – synimi është i qartë, populli shqiptar foli dhe reforma në drejtësi duhet të ecë përpara, hap pas hapi.

_____

The United States remains firmly committed to Justice Reform, which is the demand of the Albanian people.

In response to this demand, in 2016, Parliament unanimously adopted the foundational laws for reform.

Since then, key institutions have been erected and implementation is underway to make them fully functional. Reform is painful, slow, and imperfect, but it is necessary.

Justice reform is making progress and it must continue so that Albania can become a full member of the European family.

All elements of the U.S. Embassy will continue to support the goal of the Albanian people.

We must not get distracted, we must not get confused – the goal is clear, the Albanian people have spoken, and Justice Reform must move forward, step by step.