Reforma Zgjedhore/ Këshilli Politik, Bylykbashi: S’ka marrëveshje! Qeveria tranzitore e padiskutueshme

Përfaqësuesi i Opozitës së Bashkuar në Këshillin Politik për Reformën Zgjedhore, Oerd Bylykbashi, pas takimit të sotëm tha se opozita ka propozuar futjen e teknoligjisë në zgjedhje ndërsa qeveria tranzitore, sipas tij, është një kërkesë e padiskutueshme

“Nëse PS do të reflektojë e do të heqë dorë nga tak tikat zvarritëse, duke mos lënë hapësire që në QV të manipulohet rezultati, mund të vazhdohet më tej. Vetëm me konsensus ecët me tutje. Opozita poropozon që të futet teknologjia në votim. Pra, identifikim elektronik dhe votim në mënyrë elektronike.

Është e mundshme për t’u zbatuar. Ne duam identifikim teknologjik për të gjithë Shqipërinë. Gjiknuri është ai që do të ketë vjedhje të votave. Janë ata që janë pro vjedhjeve apo në fund të ditës që komisionerët të mbushin kutitë, duke falsifikuar zgjedhjet. Nëse nuk bëhen ata që themi ne, manipulimi duket sheshit,” tha Oerd Bylykbashi ndërsa për qeverinë tranzitore ishte i prerë”

“Qeveria tranzitore është e padiskutueshme për ne. Ne duam rolin e policisë në zgjedhje. Ne do të vazhdojmë të kërkojmë që garancia të jetë e plotë në procesin zgjedhor. Ne ia bëmë të qartë maxhorancës se pa dakordësi për këtë cështje, pra pa dakordësi për identifikimin biometrik që do të pengojë vjedhjen e zgjedhjeve, nuk shkohet tutje. Ne duam të jemi me shqiptarët dhe jo me Ramën, që do të mbushë kutitë, sic ndodhi më 2017.”

Gjiknuri: Nuk ramë dakord për…

Përfaqësuesi i Partisë Socialiste në Këshillin Politik për Reformën Zgjedhore, Damian Gjiknuri, tha se sot nuk pati dakordësi për dy temat, teknologjinë si dhe depolitizimin e administratës zgjedhore.

”PD bëri këtë propozim, që Kolegj Zgjedhor të jetë Gjykata Kushtetuese. Por ka problem, a e lejon Kushetuta. Ne nuk kundërshtuam, por as nuk dhamë dakordësi, por do e shohim. Por aty ka probleme pasi a mund të investohet Gjykata Kushtetuese në çdo çështje për zgjedhjet,” tha Gjiknuri duke u shprehur se në dorë kanë vetëm të bëjë ligjin ndërsa shtoi:

“Nëse biem dakord për administratën zgjedhore, për rekrutime jo vetëm nga administratë zgjedhore, por edhe të tjerë më arsim të lartë, mund të zgjidhen komisionerë. Përfaqësues politik por jo me vendimmarrje dhe vendimmarrja bëhet nga përfaqësuesi jopolitik.  Kjo është mundësia. Është e mundshme. Nuk e kuptoj pse e kundërshton, por do të mbajë skemën e politizuar që e akuzon vetë. Le ta thonë publikisht.  E di kush do ishte më e ndershme, që të thonë që të jenë këta. Nuk është depolitizim të çojë një jopolitik dhe të gjihë politikë, ajo është ujqërit dhe delet. Ne e kemi shprehur vullnetin politik. Për teknologjinë jemi dakord. Jemi gati edhe për më shumë por problem është a shtrihet tek e gjithë Shqipëria,” tha Bashkëkryetari i Komisionit të Posaçëm Parlamentar për Reformën Zgjedhore, Damian Gjiknuri, duke përfunduar:

“Ose, të thonë që në disa qendra votimi ku unë kam merak apo problem të implementohet teknologjia.”