S’ka Marrëveshje, Bylykbashi: Ishim gati për konsenus, PS është kundër identifikimit biometrik

Përfaqësuesi i Opozitës së Bashkuar, Oerd Bylykbashi, tha se sot marrëveshja nuk u arrit pasi Partia Socialiste nuk hoqi dorë nga privilegjet kurse opozita ishte gati për konsesus. Ndërsa Përfaqësuesi i PS në Këshillin Politik, Damian Gjiknuri, tha paketa ishte gati e përfunduar por opozita del nga kërkesat që në fillim i quan parakushte ndërsa garantoi se Shqipëri do të ketë Kod të ri Zgjedhor para zgjedhjeve të vitit 2021.

”Ofruam konsensus për çështjet e rëndësishme. PS nuk ishte gati. Opozita nuk heq dorë nga garancitë për votën e qytetarëve shqiptarë dhe për një proces zgjedhor që krijon legjitimitet për të gjithë aktorët. Do të vijojmë punën për konsensusin dhe presim nga PS të jetë gati

Partia Socialiste do të mbajë privilegjet dhe të kapë komisionet apo KQZ. Boshllëqet që ata duan të lënë janë të mëdha.

Falenderoj kontributin të partnerëve ndërkombëtare në përpjekjet për të gjetur kompromis, kemi bërë koncesionet tona por PS nuk hiqte dorë nga privilegjet e qeverisë mbi procesin zgjedhor, pikërisht e keni parë edhe vjet.

Kështu që t’ia lëmë të gjejmë zgjidhje me kompromis asnjë nga garanci. Le t’I lëmë PS kohë të kuptojë se KQZ nuk do jetë ai institucion që është pronë e saj. Jemi para një modeli të ri, por nuk mund të jetë pronë e PS. Le të kuptojë që procesi i administratës, ngritja e një administrate që garanton depolitizmin nuk mund të jetë falco, komisionerë të maskuar,” tha Bylykbash duke përfunduar:

“Janë të ndërlidhura çështjet, biometrika e lidhur me administratën, por edhe thelbësisht që KQZ s’mund të jetë pronë. Jo vetëm këto shtylla janë të zgjidhura kompromisi do arrihet shumë shpejt.”

Përfaqësuesi i LSI në Këshillin Politik e pranoi se opozita kishte pranuar depolitizimin e Komisioneve të komisioneve të administrimit zgjedhor, mund të hidhej në këmbim të identifikimit biometricpor PS nuk

”Nuk është çështje pazaresh. Bëhet fjalë për votën. Identifikimi biometric është esenciale. Kjo do të thoshte rritje të garancive dhe jo rënie të garancive minimale, të dominuar nga votimet moniste të 30 qershorit kur gjithçka numërohej vetë. Pra të ketë një numërim, votim, nxjerrje rezultati që e bën të gjithin vetë. Jeni dëshmitarë për këtë. PS po pret të dalë nga gjumi parizien. Shkaktari i vetëm,” tha Vasili duke përfunduar:

“Në rast se pranuam që të ecim drejt një depolitizimi të komisioneve të administrimit zgjedhor, mund të hidhej në këmbim të identifikimit biometrik, pa një garanci të tillë s’mund të ecet në elemetë të tjera.”

Si zakonisht Përfaqësuesi i PS në Këshillin Politik, Damian Gjiknuri, tha gjëra që nuk kanë lidhje me konkluzionet e Këshillit. Pas prononcimit të përfaqësuesve të Opozitës së Bashkuar, Gjiknuri tha se kishte një paketë gati të përfunduar por opozita del nga kërkesat që në fillim i quan parakushte.

”Kemi trajtuar të gjitha rekomandimet e ODIHR, palët që kanë pasur shqiptarët dhe është munduar të adresojë propozimet e opozitës. Kemi një paketë gati të përfunduar.

Ne kemi gjetur hapësirën dhe do i përfshijmë ato. Por nuk mundet që pasi biem dakord dhe për kërkesat parakusht për zgjedhjet, të fillohet dhe të cedohet dhe duke dalë nga kërkesat. Ne nuk e humbim qetësinë. Nesër do informoj Kuvendin ku do paraqes paketën e dytë, dyert dhe dritarët janë të hapura për të përmbyllur ato pak gjëra që kërkojnë.

Kemi adresuar edhe kërkesat më serioze që opozita i kishte parakushte. Edhe ato që para 2 ditësh i quanin parakushte ne i kemi adresuar.

Miqtë ndërkombëtarë inkurajuan dialogun. Nuk kam ardhur të interpretoj të vërtetat. Ne kemi adresuar kërkesat që asnjë opozitë nuk mund të ketë imagjinuar. Do i bëj me pika pjesën më të madhe të kërkesave të opozitës, do çuditeni kur për disa thoshin këtë ose s’ka, ndërsa më pas heqin dorë.

Skema e administratës zgjedhore do jetë e rregullt, komisionerët do të rekrutohen, jemi të hapur për çdo lloj takimi. Opozita jashtëparlamentare është në të mirën e saj të na bashkëngjitet megjithatë e kam thënë, Kuvendi i ka votat. Shqetësimet i kemi reflektuar, se opozita ka një problem me Vettingun, atë e njeh Kushtetuta nuk e njeh opozita. Pyetini ata ja u kanë pranuar identifikimin biometrik,” tha Bashkëkryetari i Komisionit Parlamentar për Reformën Zgjedhore, Damian Gjiknuri duke garantuar se Shqipëria do të ketë një Kod të Ri Zgjedhor para zgjedhjeve të 2021 dhe do të miratohet brenda këtij sesioni parlamentar.

“Kodi Zgjedhor do përmbyllet brenda këtij sesioni parlamentar sepse Shqipëria ka nevojë për një Kod të ri para zgjedhjeve.”