Ndryshimi i sistemit zgjedhor me Referendum, KQZ e Bibës refuzon kërkesën!
Anëtarët e KQZ nën kujdesin e Denar Bibës refuzuan kërkesën për Rerferendum për ndryshimin e sistemit zgjedhor, parashtruar nga 12 aktivistë të shoqërisë civile. Dhe jo vetëm kaq!
Anëtarja e KQZ, Rezarta Bitri, meqë kishte urdhër të votonte për shtyrjen e Referendumit, vendimi u shty për janarin e vitit 2021.
Fillimisht shefi socialist në KQZ, Denar Biba, refuzoi të shyqrtohet kjo kërkesë por Klement Zguri këmbënguli dhe votimi dha 1 votë për nga Zguri dhe 4 kundër. Pas këtij rezultati reagoi anëtarja e KQZ, Rezarta Bitri, duke thënë se vota e saj nuk është kundër por është për shtyrje të kërkesës.
Kjo situatë riktheu fytyrën kriminale të KQZ-së e cila pasqyrohet edhe në mënyrën se si organzohen zgjedhjet si dhe rezultati i tyre, ndërkoh ka reaguar edhe Ish-Kryetari i KQZ-së, Kristaq Kume, që është dhe pjesë e kërkuesve të Referendumit, duke e bërë të qartë se do vazhdojnë të kërkojnë me këmbëngulje realizimin e një Referendumi të tillë.
Debati:
Klement Zguri: Hidhet në votim kërkesa për referendum për ndryshimin e sistemit zgjehdor, 1 pro dhe 4 kundër
Rezarta Bitri: Jo nuk janë 4 kundër
Klement Zguri: Mos bëni gallatë këtu, o je pro ose je kundër
Kristaq Kume: Jeni institucion i rëndësishëm. Mos u sillni sikur jeni mbledhur për gjel deti.
Pas këtij vendimi, Ish-Kryetari i KQZ-së, Kristaq Kume tha se do vazhdohet me këmbëngulje të kërkohet zhvillimi i një Referendumi për të pyetur shqiptarët nëse e duan apo jo ndryshimin e sistemit zgjedhor.
“Ne do vazhdojmë të kërkojmë me këmbëngulje realizimin e një Referendumi të tillë që qëllim kryesor ka të shprehet populli nëse është dakort apo jo për ta ndryshuar këtë sistem e të prodhojmë presionin maksimal të mundshëm të domosdoshëm për klasën tonë politike që ta trajtojë këtë problem me përparësi,” tha Kume duke shtuar se politika shqiptare nuk e do ndryshimin e sistemit zgjedhor:
“Kush e ka ndjekur zhvillimin e reformës zgjedhore, pa vështirësi duhet të ketë vënë re që për shumë gjëra s’janë dakort por për një gjë janë dakort të mos trajtojnë problemin e sistemit zgjedhor për një cështje që edhe KQZ nuk arriti të merrte vendim”.
