Panik në komisariat, shoferi me pistoletë në dorë shpërthen portën me makinë…

Me pistoletë në dorë, një 34 vjeçar ka shpërthyer portën e komisariatit në Elbasan me makinën tip “Toyota”, duke shkaktuar panik ndër punonjësit e DVP.

Ngjarja ka ndodhur rreth orës 11:00, raporton policia, kur shtetasi B. L., 34 vjeç, duke drejtuar mjetin tip “Toyota”, ka goditur portën hyrëse të DVP Elbasan dhe ka hyrë në oborrin e DVP-së.

“Pasi ka hyrë në oborr, ka dalë nga mjeti me një pistoletë me gaz në dorë, duke bërë lëvizje të pakontrolluara, por është neutralizuar dhe prangosur menjëherë nga shërbimet e Policisë,” thuhet në njoftimin e policisë ndërkohë vazhdojnë hetimet për sqarimin e rrethanave të ngjarjes.

Informacion paraprak

Rreth orës 11:00, shtetasi B. L., 34 vjeç, banues në Elbasan, dyshohet në gjendje të rënduar psikologjike, duke drejtuar mjetin tip “Toyota”, ka goditur portën hyrëse të DVP Elbasan dhe ka hyrë në oborrin e DVP-së, duke mos iu bindur urdhrit për të ndaluar të dhënë nga punonjësi i Policisë që kryente shërbim në hyrje të DVP-së.

Ky shtetas, pasi ka hyrë në oborr, ka dalë nga mjeti me një pistoletë me gaz në dorë, duke bërë lëvizje të pakontrolluara, por është neutralizuar dhe prangosur menjëherë nga shërbimet e Policisë.

Specialistët për Hetimin e Krimit dhe grupi hetimor po vijojnë veprimet për sqarimin e rrethanave të ngjarjes.