Vjosa Osmani: Kjo qeveri nuk përfaqëson vullnetin qytetar!

Pas përfundimit të seancës së Parlamentit të Kosovës, Kryetarja Vjosa Osmani, duke sqaruar refuzimin për të drejtuar seancën ku u votua qeveria e Avdullah Hotit, tha se kjo qeveri nuk përfaqëson vullnetin qytetar.

“Një qeveri e cila në tërësi varet nga votat e listës serbe që do të thotë nga Beogradi dhe së cilës votën e 61-të ia siguroi presidenti Thaçi në kundërshtim me rolin e tij kushtetues asnjëherë nuk mund të jetë përfaqësuese e vullnetit qytetar,” tha Vjosa Osmani e cila mbështetë formimin e një qeverie teknike me mandat gjashtë deri në nëntë muaj dhe shkuarje të vendit në zgjedhje pas pandemisë së koronavirusit ndërsa shprehet qartë se familja e saj politike asnjëherë nuk ka qenë, as nuk do të jetë Hashim Thaçi.

“Familja ime politike asnjëherë nuk ka qenë, as nuk do të jetë Hashim Thaçi. Unë këta ngatërrim nuk e kam bërë asnjëherë dhe nuk do ta bëjë as tash e tutje.”

Ndryshe, Qeveria Hoti është votuar sot në Parlamentin e Kosovës me 61 vota për 24 kundër dhe një abstenim. Votë vendimtare ishte ajo e deputetit të Nismës Socialdemokrate, Haxhi Shala, i cili në fillim të seancës tha se do të votonte qeverinë pasi ia kishin ndërruar mendjen presidenti i Kosovës, Hashim Thaçi dhe kryetari i Aleancës për Ardhmërinë e Kosovës, Ramush Haradinaj, të cilët siç tha ai, e kishin vizituar në shtëpinë e tij.