Abdylmenaf Bexheti zgjidhet Rektor i ri i UEJL

Abdylmenaf Bexheti është zgjedhur Rektor i ri i Universitetit të Evropës Juglindore, UEJL, në Tetovë.

Në një mbledhje të veçantë, me votim të fshehtë, Bordi i Universitetit të Evropës Juglindore ia dha besimin Bexhetit që në katër vitet e ardhshme ta drejtojë Universitetin. Rektori i ri, vjen në këtë detyrë pas përfundimit të mandatit të rektorit të dytë të UEJL-së, Zamir Dika, i cili dy mandate radhazi e udhëhoqi këtë institucion të arsimit të lartë në Maqedoni.

Konkursi për rektor të ri të Universitetit të Evropës Juglindore ishte i hapur deri më 19 shkurt të këtij viti.