Avdullah Hoti, pasi dështoi në Parlament shkon te shefi

Pasi nuk arriti të bind deputetët që i mashtroi dhe tradhëtoi sa ishte Zv/Kryeministër, për të votuar marrëveshjet ndërkombëtare në parlament, Avudllah Hoti si Kryeministër i Hashim Thaçit shkoi në takim me shefin e tij dhe shpikësin e mazhorancës qeverisëse, Thaçin.

Pas takimit ata nuk u prononcuan për media ndërkohë pritet dalja e Hashim Thaçit për të komentuar situatën politike dhe të sigurisë në Kosovë para takimit të Washingtonit dhe rrahjes së ndonjë kalimtari nga truprojet e tyre, që do ti kujtojnë Presidentit që është HAJN!

Ndryshe, Kryeministri i Hashim Thaçit të enjten do të udhëtojë drejtë Brukselit ndërsa të shtunën në Washington ku në “Shtëpinë e Bardhë” pritet takimi me përfaqësuesit e Serbisë.

Hoti kërkon votën e opozitës për disa marrëveshje ndërkombëtare

Kryeministri i Hashim Thaçit, Avdullah Hoti, ka kërkuar sot nga deputetët që të votojnë marrëveshjet ndërkombëtare, por si Vetëvendosje ashtu dhe PDK u shprehën qartë se nuk votojnë qeverinë ilegjitime përkatësisht të mashtrimeve.

“Për sqarim për marrëveshjet ndërkombëtare sa kemi qenë opozitë ne kemi kërkuar vetë seancë të jashtëzakonshme, është veprimi juaj politik se si veproni, por, e vërteta është kjo sepse ne si opozitë kishim kërkuar seancë për t’i votuar marrëveshjet ndërkombëtare, ju kërkoj që t’i merrni parasysh këto sepse këto marrëveshje mundësojnë realizimin në praktikë të pakos për rimëkëmbje ekonomike,” tha Hoti duke harruar se votën duhet t’ia kërkoi Hashim Thaçit sepse ishte në opozitë meqë kështu deshti Hashim Thaçi dhe është kryeministër vetëm pse Thaçi shprehi dëshirën për ta bërë.

Dhe, si politikan i papërvojë, ja is i drejtohet deputetëve një Kryeministër i cili vetëm kur u votua arriti ti mbledhë 50 % të votave + 1 :

“Po ju njoftoj se buxhetin për vitin 2020-të e keni pranuar në Kuvend, ne do të kërkojmë që të futet në procedura parlamentare pas një ore. Ju ftoj që ta përkrahni këtë mocion që buxheti të futet në rend të ditës ku është parapa fondi për rimëkëmbje ekonomike.”

Por ky komunikim i Hotit nuk entuziazmoi si Lëvizjen Vetëvendosje që u tradhtua nga ky njeri dhe këtë qeveri e konsideron ilegjitime ashtu dhe Partinë Demokratike të Kosovës që duke njohur ish-kryetarin e tyre e din që Hoti dhe qeveria e tij janë mashtrues, dhe u shprehën qartë se nuk do të votojnë për marrëveshjet ndërkombëtare financiare.

Hekuran Murati, kryetar i Komisionit për Buxhet dhe Transfere tha se si komision i kanë dhënë dritën e gjelbër këtyre marrëveshjeve, e në emër të grupit parlamentar të Lëvizjes Vetëvendosje, Murati tha se nuk do të marrin pjesë në votim, pasi sipas tij do t’u mundësonte një qeverie ilegale dhe jo legjitime të fus vendin në obligime afatgjata.

“Megjithëse si grup parlamentare vlerësojmë marrëveshjen si të mirë, megjithatë nuk mund të marrim pjesë në votim për një marrëveshje e cila mundëson një qeverie ilegale dhe jo legjitime që të shpenzojë dhe të fus vendin në obligime afatgjata, marrë parasysh mungesën e ligjshmërisë së kësaj qeverie. Për më tepër kur është rrëzuar në mes të pandemisë një qeveri që kishte legjitimitet të plotë popullor, atëherë në mes të pandemisë u patën siguruar 82 vota, kështu që mendoj do të duhej prapë të bije barra mbi koalicionin qeverisës që t’i sigurojë votat për ratifikimin e kësaj marrëveshje.”

PDK shumë më e qartë se VV tha se nuk do të marrë pjesë në votimin për këto marrëveshje. Memli Krasniqi në emër të PDK-së, tha se nuk kanë vota për qeverinë e mashtrimeve.

“Kjo qeveri dhe ajo që u shkarkua para saj ashtu si LDK dhe VV janë dy anë të së njëjtës monedhë, sepse qasja e tyre për këto marrëveshje ka qenë e njëjtë edhe në të kaluarën. Realisht mirë që kanë ardhur këto marrëveshje, por prioritetet edhe të qeverisë edhe të Kuvendit duhet të jenë tjera, në këtë rrjedhojë të këtyre zhvillimeve mos pritni votë nga PDK, sepse ne nuk mund të kemi votë për qeverinë e mashtrimeve 2.0. Ju duhet t’i sillni në Kuvend në radhë të parë me prioritet ligjet që i ndihmojnë qytetarët e dëmtuar në pandemi, sepse prioritet tash për tash janë ato.. Nuk do të marrim pjesë në votim të pikave në vijim, të gjitha që janë në vazhdim të kësaj seance.”

Partitë pjesë të koalicionit qeverisës së krijuar nga Hashim Thaçi, në mungesë të këtij të fundit, kanë bërë ftesë që këto marrëveshje të votohen, pasi sipas tyre janë në të mirë të qytetarëve ndërsa shpërfillën fakti se në të mirë të qytetarëve është që dhe ky koalicion të mos ekzistoj.