Shtyhet sërish gjyqi për Ish-Ministrin Tahiri, vendimi më 26 Qershor

Sot sërish është shtyrë vendimi për Ish-Ministrin e Brendshëm, Saimir Tahiri. Gjykata e Posaçme e Apelit ka vendosur që më 26 qershor, në ora 13:00, të japë vendimin për Saimir Tahirin i cili sot ishte shumë më i relakuar se kohë më parë ndonëse prokuroria vazhdon ta akuzoj për grup të strukturar kriminal.

Ndonëse sot pritje vendimi, madje për këtë event kishin ardhur edhe disa militant për ta festuar, vendimi u shty për të premten pasi anëtari më i ri i trupës gjykuese, Dhimitër Lara, i cili zëvendëson Nure Drenin i cili u shkarkua nga vettingu, ka kërkuar më shumë kohë për të shqyrtuar dosjen.

Ndryshe, vitin e kaluar Saimir Tahiri u dënua me 5 vite burg të konvertuara me gjykim të shkurtuar në 3.4 vite shërbim prove dhe dënimi u dha për shpërdorim detyre. Por si Tahiri dhe Prokuroria nuk pranuan dënimin me 3.4 vite shërbim prove dhe e apeluan zyrtarisht në Gjykatën e Posaçme të Apelit.

Prokuroria e Krimeve të Rënda ka kërkuar 12 vite burg për Tahirin për 3 vepra penale “trafikim i narkotikëve” në bashkëpunim në formën e grupit të strukturuar kriminal, “kryerja e veprave penale nga organizata kriminale”, “grup i strukturuar kriminal”.

 Ndërkohë militantët komunist që ishin në pritje të kësaj shfaqje t♪7 shëmtuar të drejtësisë së Edi Ramës, të sigurt se sot Saimir Tahiri edhe pse përgjegjës për kanabizimin e tokës shqiptare do të shpallet i pafajshëm, mbanin veshur bluza të stampuara me imazhin e të akuzuart për trafik droge. Madje njëri prej, jo nën ndikimin e ndonjë narkotiku përveç se komunizmit gërthiti duke iu drjetuar Saimit Tahirit:

Ta hëngsha zemrën!