Nesër rinisin fluturimet nga Aeroporti i Prishtinës. Duhet të shkoni 3 orë para!

Ministri i Infrastrukturës, Arban Abrashi, sot është takuar me kreun e Agjencisë së Aviacionit Civil të Kosovës, Bujar Ejupin, dhe përfaqësuesit e Aeroportit “Adem Jashari”, me të cilët ka diskutuar për masat e marra nga këto institucione para rinisjes së fluturimeve nesër më 28 qershor.

Abrashi bëri të ditur se në takim është siguruar nëse janë marrë të gjitha masat siç rekomandon manuali anti-covid i Ministrisë së Shëndetësisë.

“Sot prita në takim të përbashkët drejtorin e AACK, Bujar Ejupi si dhe përfaqësues të ANP “Adem Jashari”, Gökmen Aritay dhe Uran Vela. Diskutuam për rifillimin e fluturimeve ajrore duke u siguruar se janë ndërmarr të gjitha masat sipas Manualit për mbrojtje nga përhapja virusit COVID-19 të publikuar nga Ministria e Shëndetësisë,” tha Abrashi ndërsa ka përmendur edhe kushtet e reja që do të praktikohen që nga dita e nesërme.

1. Pasagjeret duhet të jenë në Aeroport 3 orë para fluturimit

2. Matja e temperaturës do të bëhet për te gjithë pasagjerët, që hyn ne terminal

3. Përdorimi i kabinetit për dezinfektim në hyrje të terminalit.

4. Masa shtesë të Policisë, Doganës, MSH-së;”, shkruan Abrashi.

Gjitashtu ai tha se me përfaqësuesie te Aeroportit ka diskutuar  edhe për investimet në transportin ajror, hapjen e linjave të reja, programet nxitëse, liberalizimin e tregun për ofruesit e shërbimeve në Aeroport ndërsa përfundoi:

“Do të angazhohemi të kemi më shumë linja ajrore dhe me çmime më të ulta. Shihemi nesër ne Aeroport.”