Kryeministri Edi Rama, vizitë dyditore në Kosovë

Kryeministri i Shqipërisë, Edi Rama, sot fillon një vizitë në Kosovë ku për dy ditë pritet të takohet me liderët intitucional dhe politik.

Fillimisht është paralajmëruar takimi me kryetarin e Nismës Socialdemokrate, Fatmir Limaj në ora 13:15. Më pas, Edi Rama pritet të takojë Kryetaren e Parlamentit të Kosovës, Vjosa Osmani në ora 15:00.

Në ora 16:00 Rama pritet të takojë kryeministrin Avdullah Hoti ndërsa në ora 18:00 kryetarin e PDK-së, Kadri Veseli.

Në fund të ditës së parë në Kosovë, në ora 18:50 Kryeministri Edi Rama do të takohet me Presidentin e Kosovës, Hashim Thaçi.

Ndryshe, ky takim i Kryeministrit Edi Rama në Kosovë vjen një muaj pas udhëtimit të tij enigmatik në Paris, i cili u pasua me dështimin dramatik të dialogut Kosov-Serbi në Shtëpinë e Bardhë më 27 Qershor dhe shpalljes së Konferencës së Parisit për çështjen e Kosovës në javëne tretë të muajit korrik, nga miku i Ramës dhe i përfoluri për lidhjet me shërbimet sekrete franceze, Presidenti i Kosovës, Hashim Thaçi.