Zgjedhjet presidenciale në Poloni drejt balotazhit

Rezultatet e pjessshme të zgjedhjeve presidenciale në Poloni tregojnë se presidenti aktual, Andrzej Duda, ka dalë i pari, por nuk ka siguruar 50 për qind të votave të nevojshme.

Me mbi 82 për qind të votave të numëruara, Duda, i cili mbështetet nga Partia në pushtet për Ligj dhe Drejtësi, ka fituar 45.7 për qind të tyre.

Në vendin e dytë ka dalë Rafal Trzaskowski, kryetar aktual i Varshavës, me 28.5 për qind.

Nëse rezultati konfirmohet, raporton RFE, Duda dhe Trzaskowski do të përballen në balotazh më 12 korrik.

Pjesëmarrja në zgjedhjet presidenciale që u zhvilluan dje ishte e lartë, rreth 63 për qind, pavarësisht pandemisë së koronavirusit.