Seferi dorëzohet para Tyson Fury

Sefer Seferi u dorëzua pa nisur rundi i pestë në përballje me britanikun Tyson Fury, në meçin që u zhvillua në “Manchester Arena”.

Fury ka qenë shumë më i mirë dhe në disa raste pothuajse e kurseu boksierin shqiptar. Megjithatë, edhe Seferi në disa raste u përpoq dhe goditi disa herë Furyn, por e pamundshme që ta befasojë.

Fury me lëvizjet e tij disa herë dukej sikurse bishë kur godiste Seferin. Në një atmosferë elektrizuese Fury triumfoi, pasi Seferi e dorëzoi luftën.

Fury rikthehet në skenë me fitore. Ndërkaq, për Seferin ka qenë një përvojë e mirë sidomos para një atmosfere madhështore në Manchester. Fury i gëzohet kësaj fitoreje, rikthimit në ring pas tre viteve, kurse për Seferin ka qenë prej sfidave më të vështira që kishte deri më tani në karrierën e tij.