Përhapja e COVID-19, Basha: Situata ka dalë jashtë konrollit!

Situata për sa i përket përhapjes së COVID-19, ka dalë jashtë kontrollit, konstaton Kryetari i Partisë Demokratike, Lulzim Basha, pas shqyrtimit të shqetësimeve qytetare që u diskutuan me mjekë dhe specialistë të fushës së bashku me Departamentin e Shëndetësisë në PD.

“Sot qytetarët po përballen me një rritje të numrit të viktimave, të të prekurve me COVID-19, shoqëruar dhe me krizën e rëndë ekonomike,” tha Lulzim Basha pas taktimit me mjekë dhe specialistë duke vlerësuar se vatrat kryesore të infeksionit tani janë spitalet dhe qëndrat shëndetësore:

“Përhapja e virusit në spitale ka rritur ndjeshëm numrin e personelit mjekësor të prekur me COVID-19, si dhe infektimin e qytetarëve që marrin ndihmë për sëmundje të ndryshme,” shprehet i shqetësuar Kryetari i Partisë Demokratike, Lulzim Basha, në reagimin e tij përmes rrejtit social Facebook ndërsa përfundon:

Reagimi i plotë:

Situata për sa i përket përhapjes së COVID-19, ka dalë jashtë kontrollit. Numri i të infektuarve po rritet çdo ditë. Me dhjetra ankesa vijnë nga famijarë, të cilëve iu është identifikuar një pjesëtar si i infektuar, ndërsa atyre nuk u bëjnë tamponin, duke zgjeruar kështu zinxhirin e infeksionit.

Këto shqetësime ndava me mjekë dhe specialistë të fushës së bashku me departamentin e shëndetësisë në PD.

Dështimi me menaxhimin e situatës çoi dëm sakrificën e 3 muajve izolim. Sot qytetarët po përballen me një rritje të numrit të viktimave, të të prekurve me COVID-19, shoqëruar dhe me krizën e rëndë ekonomike.
Vatrat kryesore të infeksionit tani janë spitalet dhe qëndrat shëndetësore.

Përhapja e virusit në spitale ka rritur ndjeshëm numrin e personelit mjekësor të prekur me COVID-19, si dhe infektimin e qytetarëve që marrin ndihmë për sëmundje të ndryshme. Virusi është evidentuar tashmë kudo, në polici, në kopshte e çerdhe, në zyrat e shtetit e kudo.