Qukës-Qafë Plloçë, Rama: Përfunduan punimet në tunele!

Kryeministri Edi Rama nuk e lidhë dot asnjë togfjalësh e lërë më një punë të rëndësishme siç është hapja e tuneleve në Qukës-Qafë Plloçë, pa rivalët e tij politik, ndonëse udhëtarët më të rrallë të saj në Shqipëri do të jenë ata e madje edhe vetë Rama.

“Kantieri Qukës-Qafë Plloçë, në një tjetër rrugë të lënë rrugëve, ku tanimë kanë përfunduar punimet në tunelet 1, 2 si dhe në tunelin 3 të daljes së emergjencës,” thekson Edi Rama duke publikuar finalizimin e punëve përmes rrjetit social Facebook:

“Pas një odiseje të gjatë ribërjeje nga e para të projektit të lënë rrugëve në letra bakalli dhe ribërjeje të marrëveshjeve financiare,” thotë Kryeministri për tri tunele, jo mes për mes Shqipërisë, por tunele të një rruge normale ku njëri është 700 metra, tjetri 300 dhe ai i emergjencës 400 metra. Gjithsesi, nuk quhet kot Edi Rama, dhe për veprën që ARRSH kishte njoftuar dy ditë më parë në detaje, shton:

“Vazhdojnë intensivisht punimet për ndërtimin e strukturave dhe mbushjen e trasesë.”

Në fund publikon edhe këtë foto, por për fat të mirë ishte Autoriteti i Rrugë që dy ditë më parë sqaroi opinionin publik se për çfarë vepre bëhet fjalë sepse Edi Rama po nxiton, ka takim me Lali Erin me shokë:

“Po punohet mbi strukturën e urës 10 dhe vendosjen e trarëve metalike tek ura 11. Në kryqëzimin e Golikut vazhdojnë punimet për ndërtimin e strukturave dhe mbushja e trasesë.”