Pas takimit me Hotin, Macron: Më 10 korrik, Samiti i Parisit!

Pas takimit që ka zhvilluar Presidenti Emmanuel Macron me kryeministrin e Kosovës, Avdullah Hoti, sot Presidenca franceze bënë të ditur se Macron dhe Hoti diskutua për rinisjen e dialogut Kosovë – Serbi si dhe Samitin e Parisit i cili do të zhvillohet më 10 Korrik.

“Presidenti i Republikës priti të martën 7 korrik në Pallatin Elysee Kryeministrin e Kosovës, Z. Avdullah Hoti, për të diskutuar ringjalljen e dialogut për normalizimin midis Serbisë dhe Kosovës, që është një element thelbësor i stabilitetit dhe sigurinë e Ballkanit Perëndimor dhe perspektivat përkatëse për anëtarësim në Bashkimin Evropian të të dy vendeve,” thekson Presidenca franceze ndërsa dha detaje edhe për video-samitin e së premtes, më 10 korrik, të cilin e organizon presidenti Macron dhe kancelarja gjermane Angela Merkel.

“Me iniciativën e Presidentit të Republikës dhe kancelares gjermane, do të mbahet një samit në 10 korrik me video-konferencë për të rihapur dialogun midis Serbisë dhe Kosovës, i ndërprerë 18 muaj më parë, dhe të lejojë Bashkimin Evropian të lehtësojë për zgjidhjen e mosmarrëveshjeve të tyre,” thekson Zyra e Presidentit Macron duke saktësuar se kemi të bëjmë me samitin i cili pason atë të zhvilluar në Berlin më 29 prill 2019:

“Do të jetë rezultat i hapave që Franca dhe Gjermania kanë ndërmarrë së bashku me Serbinë dhe Kosovën, me qëllim konsolidimin e stabilitetit në Ballkan dhe forcojnë lidhjet e tyre me Bashkimin Evropian.”