Federata e mjekëve shqiptarë në Evropë: Mbani maska!
Mjekët shqiptarë në Evropë janë shprehur të shqetësuar me përmasat e përhapjes së virusit në Shqipëri, Kosovë dhe trevat shqiptare në përgjithësi.
Elona Meta Haubrich, kryetare e Federatës së Mjekëve Shqiptarë në Europë, tha se mjekët shqiptarë, kudo në Evropë, të bashkuar në Federatën e Mjekëve Shqiptarë, apelojnë tek të gjithë shqiptarët në Shqipëri, Kosovë dhe trojet etnike, të respektojnë të gjitha rekomandimet e OBSH-së dhe Instituteve të Shëndetit Publik, për mbajtjen e maskave, distancën dhe higjienën personale.
Mjekët shqiptarë, thotë ajo, paralajmërojnë mundësinë e mbylljes së kufijve, nëse vazhdon kështu, si është aktualisht! „Situata e koronavirusit në Shqipëri shikohet me sy kritik nga mjekët shqiptarë që punojnë në vendet europiane dhe Shtetet e Bashkuara të Amerikës,“ tha Elona Haubrich për Televizionin publik të Kosovës RTK.
“Duhet të respektohen masat e ndërmarra si janë mbajtja e maskës, distanca dhe higjiena, sepse po rriten rastet që po përfundojnë me fatalitetet. Një gjendje e tillë rrezikoni mbylljen kufijtë për Shqipërinë dhe Kosovën nga vendet e BE-së, ku numri i infeksioneva aktualisht ka rënë”. Elona Meta Haubrich, kryetarja e Federatës së Mjekëve Shqiptarë në Europë, thekson gjithashtu se Federata e Mjekëve Shqiptarë në Europë ka nisur një sërë sugjerimesh dhe rekomandimesh për qeverinë dhe popullatën.
„Maska të vendoset me detyrim. Të rishikohen aktivitetet, të hartohen protokolle, dhe të shtohen testimet, janë disa nga rekomandimet“, e dërguara, thotë ajo! Neta Haubrich, thekson se më shumë se 3 mijë mjekë shqiptarë që punojnë në Europë dhe janë pjesë e Federatës, janë vetëofruar për të ndihmuar me ekspertizë mjekësore në hartimin e protokolleve të sakta për të parandaluar përhapjen e virusit në vendin tonë“.
Hartimi i deklaratës, thotë zonja Elona, është ndihmuar nga Auroraa Dollenberg Nënkryetarja e Federares, Dr. Besjana Veizaj, reumatologe Gjermani, Dr. Teni Kamberi, anestezist, Francë, Dr Valbona Selimaj, pediatre – infeksiologe, Belgjike. Dr. Elona Haubrich, interniste Gjermani, Dr. Ilda Fouquet Stomatologe, Hollande, Dr. Geriola Topi, endokrinologe, Suedi, Dr.Jehon Krasniqi, mjeke e përgjithshme, Kosove, Dr.Genc Selmani, Maqedoni, Mjek i përgjithshëm.
