Humbja e madhe e Edi Ramës: Prehu në paqe mam!

Mëngjesi i sotëm ishte i trisht për Kryeministrin Edi Rama. Me humbjen e madhe të shuarjes së mamasë Aneta, Edi Rama shprehet se do ti mungoj shumë, por deri sa të shoh dot diellin e yjet do të jetë me të, e bukur dhe e fortë si askush ndërsa përfundoi:

“Do të na mungosh shumë, por asgjë më shumë nuk bëje dot për ne sesa e pamundura që bëre plot përkushtim gjithë jetën, prandaj prehu në paqe mam.”

Ndërkohë, pak orë pas ndarjes nga jeta e nënës së tyre, Aneta Rama, në moshën 82-vjeçare, Kryeministri Edi Rama dhe vëllai Olsi iu drejtuan me një mesazh të gjithë miqve, të afërmve dhe familjarëve.

“Përulësisht u lutemi familjarisht mirëkuptim të gjithë të afërmve e miqve të mirë, për pamundësinë e pritjes së ngushëllimeve e të ceremonisë së përcjelljes së nënës sonë në banesën e fundit, në kushtet e detyrimit për të respektuar rregullat e mbrojtjes së shëndetit të gjithësecilit. I falenderojmë të gjithë për mesazhet prekëse që vazhdojnë ta na vijnë për humbjen e nënës sonë të shtrenjtë dhe e vlerësojmë shumë respektin e mirëkuptimin e kujtdo që do të donte të ishte edhe fizikisht pranë nesh në këtë ditë të vështirë.”

Ja statusi i plotë i Kryeministrit Edi Rama:

“Ishe drita dhe guri këndor i shtëpisë ku u rritëm e u bëmë burra, e ku mbetëm gjithnjë fëmijë. E di, që deri sa të shoh dot diellin e yjet do të jesh me mua, e bukur dhe e fortë si askush. Do të na mungosh shumë, por asgjë më shumë nuk bëje dot për ne sesa e pamundura që bëre plot përkushtim gjithë jetën, prandaj prehu në paqe mam.”