Xhandarmëria serbe në Karaçevë, Hoti: Do të veprojmë sipas Kushtetutës!

Kryeministri i Hashim Thaçit, Avdullah Hoti, sot tha se organet përgjegjëse janë duke hartuar një raport lidhur me ngjarjen që ndodhi dje ku u raportua se xhandarmëria serbe hyri në territorin e Kosovës, përkatësisht në Karaçevë, Komuna e Kamenicës.

Njësiti i shumë krimeve në Kosovë Xhandarmëria e Serbisë vazhdon dhe shetit lirshëm në territorin kosovar duke mos përfillur kufirin ndërkohë Avdullah Hoti thotë qytetarët e kësaj ane nuk do të mbeten pa mbrojtjen e institucioneve të Kosovës.

“Veprimet tona do të jenë në përputhje me Kushtetutën dhe ligjin, si dhe të koordinuara me të gjithë mekanizmat e sigurisë në vend,” thotë Hoti ndërkohë kriminelët serbë po livadhisin nëpër Kosovë kundër po kësa Kushtetute.

Ndryshe, dje, në rrjetet sociale qarkulloi një video ku pretendohej se pjesëtarë të xhandarmërisë së Serbisë, kishin hyrë në fshatin Karaçevë, të Kamenicës.

Pas incidentit të raportuar edhe përmes pamjeve filmike, Zyra për informim e Policisë së Kosovës tha për RFE se njësitet policore në Karaçevë nuk kanë hasur ndonjë njësi apo siç është thënë për ushtri të Serbisë.

“Pas raportimit të një informacioni nga Karaçeva e Kamenicës, njësitet policore kufitare kanë reaguar menjëherë duke shkuar dhe patrulluar te vendi ku është raportuar rasti. Njësitet policore nuk kanë hasur në atë lokacion ndonjë njësi apo siç është informuar për ushtri të Serbisë. Njësitet policore kanë bërë shikimin e vendit sipas koordinatave si dhe kanë bërë patrullime dhe vëzhgime në atë zonë.”

Policia e Kosovës, ka bërë të ditur se gjithashtu është njoftuar KFOR-i, me këtë rast, pasi që mandatin e sigurisë së zonës së kufirit me Serbinë, ende e ka KFOR-i.

Fshati Karaçevë ndodhet në afërsi të zonës kufitare me Serbinë.