Të shtëna pranë Shtëpisë së Bardhë, Presidenti Trump nxirret nga konferenca e shtypit dhe…

Pas disa të shtënave pranë Shtëpisë së Bardhë, Shërbimi Sekret e nxorri Presidentin e SHBA, Donald Trump, nga salla ku po mbante konferencën për shtyp dhe ndonëse asgjë nuk ishte e qartë ndër gazetarë që filluan të shkruajnë nëpër rrjetet sociale:

Pas pak minutave ai u kthye para gazetarëve dhe fillimisht sqaroi:

“Kishte të shtëna jashtë Shtëpisë së Bardhë. Duket se situata është krejtësisht nën kontrol. Pati një goditje me armë dhe  dikush është dërguar në spital. Nuk e di se si është ai person,” sqaroi Presidenti Trump pasi forcat e rendit kishin neutralizuar personin e armatosur që kishte guxuar të kaloi i armatosur perimetrin e sigurisë.

“Dua të falënderoj Shërbimin Sekret. Janë të mrekullueshëm,” tha Presidenti Trump duke sqaruar se ishte dërguar në Zyrën Ovale dhe shtoi:.

“Ndoshta të shtënat nuk kishin të bënin aspak me mua!”

Nuk vonoi shumë dhe Shërbimi Sekret konfirmoi se kishte pasur të shtëna me armë zjarri pranë Shtëpisë së Bardhë.

Ndryshe, në momentin kur Presidenti Trump u nxorr nga salla, nga Shërbimi Sekret, ishte duke mbajtë konferencë për shtyp i shoqëruar nga Sekretari i Thesarit, Steve Mnuchin  dhe  Drejtori  i Zyrës së Menaxhimit dhe Buxhetit, Russ Vought.