Arrestohet një 21-vjeçar nga Shqipëria, bashkëjetonte me 13-vjeçaren nga Greqia

Një 21-vjeçar nga Shqipëria është arrestuar pasi ishte duke bashkëjetuar me të miturën 13-vjeçare nga Greqia. Sektori Qendror për Hetimin e Trafikimit me Qenie Njerëzore dhe Drejtoria për Migrim dhe të Huaj, pranë Policisë Kosovës e mbështetur nga zyrtarë të Qendrës për Punë Sociale-Prishtinë, kanë realizuar një operacion me ç’rast janë kryer edhe arrestime.

“Është hasur i dyshuari M.S. (viti i lindje 1999) shtetas i Shqipërisë, i cili ishte duke bashkëjetuar me një shtetase të Greqisë të moshës 13 vjeçare,” thekson Polici a e Kosovës përmes një njoftimi duke shtuar se në konsultim me prokuroren e rastit ka iniciuar veprën penale ‘bashkësia jashtëmartesore me personin nën moshën gjashtëmbëdhjetë vjet’.

“I dyshuari është ndaluar për 48 orë, ndërsa viktimës i është ofruar strehim dhe trajtim sipas Proceduarve Standarde Vepruese të Drejtorisë për Hetimin e Trafikimit me Qenie Njerëzore.”

Gjithashtu, përmes ILEC-ut është njoftuar zyra greke në Prishtinë për shtetasen e tyre.