Aeroporti “Nënë Tereza”, sekuestrohen 42 mijë paund. Ja kujt i përkisnin…

Autoritetet doganore kanë sekuestruar në Aeroportin Nënë Tereza 42 mijë paund të padeklaruara, para të cilat i përkisnin dy grave që vinin nga Britania e Madhe.

Drejtoria e Doganave, raporton se gjatë kontrollit të pasagjerëve që vinin nga Britania e Madhe, u kostatua se shtetaset me inicialet E.K,20 vjeçe, banuese në Durrës, dhe L.S, 46 vjeçe, banuese në Berat, kishin të padeklaruara një sasi përkatësisht prej 10.000 paund dhe 31.850 paund, të cilat u sekuestruan në cilësinë e provës materiale.

Nga ana strukturave u kryen veprimet e para hetimore për veprën penale “Mosdeklarimi i të hollave në kufi dhe sendeve me vlerë” parashikuar nga neni 179.a i Kodit Penal.

Ndryshe, gjatë këtij muaji strukturat doganore, në të njëjtën linjë udhëtimi kanë kapur disa herë sasi valute cash të padeklaruar.