Heshtja e Qeverisë, PD: Edhe sa pacientë me COVID-19 duhet të humbin jetën!
Edhe sa pacientë me COVID-19 duhet të humbin jetën që qeveria të reagojë duke marrë masa konkrete, pyet Partia Demokratike përmes Ish-Deputetit Dr.Bardh Spahia pas ngjarjes tragjike mbrëmjen e së mërkurës ku 65 vjeçari me COVID-19, që i dha fund jetës duke u hedhur nga kati i katërt i spitalit “Shefqet Ndroqi“!
“Rasti i dytë në më pak se tre javë, duhet të sjellë një impenjim serioz të autoriteteve dhe një plan konkret për të trajtuar, edhe një rëndim të gjendjes psikologjike për shkak të izolimit e vështirësisë së sëmundjes,” thekson Dr.Barsh Spahia duke shtuar se me probleme paraprake apo jo, fakt është që një 29 vjeçar dhe një 65 vjeçar zgjodhën t’i japin fund jetës, në vend të kurimit mjekësor
Drejtori i spitalit e ministria e shëndetësisë duhet të mendonin për situatën e pacientëve dhe të merrnin masat përkatëse për të trajtuar anën psikologjike të pacientëve, shprehet Ish-Deputeti i PD, Bardh Spahia, në reagimin e tij përmes rrjetit social Facebook duke bërë të ditur se asnjëri nga dy spitalet Covid nuk ka psikolog dhe kjo situatë nuk mund të anashkalohet me justifikimin, se pacientët që i dhanë fund jetës kishin probleme paraprakisht ndërsa përfundoi:
“Kujdesi për shëndetin mendor ndaj pacientëve të tillë ka munguar krejtësisht! Edhe sa pacientë me Covid-19 duhet të humbin jetën që qeveria të reagojë duke marrë masa konkrete?”
Reagimi:
Ende nuk ka një reagim nga spitali “Shefqet Ndroqi“ për 65 vjecarin me Covid-19, që i dha fund jetës duke u hedhur nga kati i katërt i spitalit!
Rasti i dytë në më pak se tre javë, duhet të sjellë një impenjim serioz të autoriteteve dhe një plan konkret për të trajtuar, edhe një rëndim të gjendjes psikologjike për shkak të izolimit e vështirësisë së sëmundjes!
Me probleme paraprake apo jo, fakt është që një 29 vjecar dhe një 65 vjecar zgjodhën t’i japin fund jetës, në vend të kurimit mjekësor!
Drejtori i spitalit e ministria e shëndetësisë duhet të mendonin për situatën e pacientëve dhe të merrnin masat përkatëse për të trajtuar anën psikologjike të pacientëve!
Asnjëri nga dy spitalet Covid nuk ka psikolog! Kjo situatë nuk mund të anashkalohet me justifikimin, se pacientët që i dhanë fund jetës kishin probleme paraprakisht!
Kujdesi për shëndetin mendor ndaj pacientëve të tillë ka munguar krejtësisht!
Edhe sa pacientë me Covid-19 duhet të humbin jetën që qeveria të reagojë duke marrë masa konkrete?
