Edi Rama, rreziku i vetëm!
nga Agim Popoci
Pas shpalljes së datës së zgjedhjeve parlamentare, 25 Prill 2021, lukunia mediatike e Edi Ramës iu turr Kryetarit të Partisë Demokratike, Lulzim Basha, duke e konsideruar të dështuar pasi është i rrezikuar si nga procesi i përzgjedhjes së kandidatëve për deputetë që po përfundon me fazën e dytë, ku kokat fugiane presin të ketë shumë të pakënaqur, ashtu dhe nga dy partitë që pjellën nga llumi opozitar. Këtij rreziku, Ilir Meta i shtoi dhe një paralajmërim për dorëheqjen e mundshme nga Presidenti dhe kandidimin për Kryeministër dhe Ministër të Brendshëm!
Kështu grahmat e fundit të qeverisjes kriminale të Edi Ramës, mediatikisht u konvertuan në rrezikun mbi dështimin e liderit të Opozitës së Bashkuar i cili është dhe kandidati i vetëm potencial për Kryeministër të ardhshëm të Shqipërisë.
Po sa është i rrezikuar Kryetari i PD, Lulzim Basha?! Pra, Partia Demokratike; Dmth, Shqipëria!
Ndonëse iu la hapësirë e madhe mediatike, jo pa qëllim, llumit opozitar dhe pjellën dy parti nga po ky llum, performanca e tyre e parë tregoi se kemi të bëjmë me dy grupe grabitqarësh që përveç pushtetit nuk janë të interesuar për asgjë tjetër; Ndërsa nga nismëtarët e këtyre dy grupimeve revolucionare u pa qartë se konkurrencë nuk mund ti bëjnë askujt tjetër përveç se Antifës që tashmë po gëlon në Shqipëri!
Duke konstatuar këto veçori edhe ekipi kriminal i Edi Ramës hapi një front të ri kundër Lulzim Bashës dhe Partisë Demokratike, në përpjekje për të mobilizuar socialistët, të cilët të dëshpëruar nga politika e re i kishin hapur krahun rilindjes dhe e kishin braktisur veprimtarinë politike. Ditëlindja e Ish-Kryetarit të PS, Fatos Nano, ose siç e quante Edi Rama, Robert Çamçakëzi, u pa si moment i artë nga Kryeministri dhe Kryetari i Partisë Socialiste, për tu pajtuar dhe për të lançuar një mesazh për socialistët besnik, përmes një Urimi për kriminelin e komunist të orëve të para i cili u konvertua në socialistë, duke e pranuar si lider historik.
Në mungesë të përgjigjes nga Fatos Nano ndërsa Edi Rama filloi të mendoi se si do të përmirësoj shifrat nga sondazhi i brendshëm që e nxjerr Partinë Socialiste si humbëse të zgjedhjeve, Kryeministri i Shqipërisë aktivizoi impiantin e tij mediatik të propagandës, i bindur se nga ky ferr mund ta shpëtoi vetëm Sandri dhe Batoni!
Sot kur diversioni me pjelljen e dy partive nga llumi opozitar, në pritje të shkërmoqjes së Partisë Demokratike nga braktisja e të pakënaqurve me publikimin e listës fituese të PD, rezultoi një çmenduri e klasit të parë; Kur është e qartë se ëndrra e Ilir Metës nga viti 2002 për tu rizgjedhur Kryeministër duhet të vazhdoj të pres në sirtarin e LSI sh.a.; Ashtu siç është e qartë që Ditmir Bushati mund të bëjë krime më monstruoze se i ati kriminel por jo ta shpëtojë Partinë Socialiste nga kthetrat e Edi Ramës;
Sot, kur shqiptarët janë në pritje të funksionalizimit të Gjykatës Kushtetuese në mënyrë që të zgjidhet kaosi i madh që është krijuar me zgjedhjet lokale të 30 Qershorit 2019; Hedhja e idesë së Batonit nga koka fugiane në Pazarin e Fevzos, se problemi mund të zgjidhet me një koalicion PS-PD që mund të krijohet me rezultatin e zgjedhjeve të 25 Prillit 2021, i jep një tjetër dimension krizës në Shqipëri.
Deri sa kriza po thellohet, Edi Rama dhe klika e tij janë edhe më të vendosur për ta mbajtur pushtetin.
Publikimi i ofertës së Batonit në Pazarin e Fevzos me votat aktuale që ka Partia Socialiste, konfirmoi jo vetëm vështirësitë në të cilat ndodhet Edi Rama, dhe pamundësinë e tij për të fituar zgjedhjet ndonëse krimi është çuar në këmbë pas deklaratës së tij se më të mirë se Rama nuk ka, por dhe domosdoshmërinë e Lulzim Bashës për të fituar zgjedhjet me Partinë Demokratike.
Murrizi dhe Rudina mund të kapin edhe ndonjë kockë poshtë e lartë që do të vazhdoj ti hedhë Edi Rama, por çorba e tyre nuk do ti vlejë aspak varfërisë e cila e ka kapluar Shqipërinë, dhe krimin që ka instaluar Partia Socialiste të cilës i shërbyen me devotshmëri dhe e ndihmuan për dy vjet si Rudina ashtu dhe Murrizi me shokë!
Ilir Meta mund ti rikthehet me LSI sh.a. idesë së koalicionit me Edi Ramën nëse ndërhynë sërish Beogradi dhe Internacionalja Socialiste!
Por, Shqipëria, Partia Demokratike dhe Lulzim Basha, rrezikohen vetëm nga Edi Rama!
Edi Rama është burimi i të gjitha të këqijave qysh se krimineli komunist i konvertuar në socialist, Fatos Nano, e solli në Tiranë. Jo që kishte thonj të paprerë, por se vinte nga një mendësi komuniste që e pranonte edhe dënimin e poetit me varje në litar për një poezi, vetëm për të qëndruar në pushtet; Mendësi e cila u konfirmua se bashkëjeton me shpirtin e tij pasi pranoi “prerjen” e Griseldës shtatzënë nga Qeveria e Saliut, vetëm për të ardhur në pushtet! Mendësi e cila nuk i pengoi ta shes as tokën, ujin dhe ajrin shqiptar!
Për të shpëtuar nga ky rrezik që po i kanoset Shqipërisë, Partia Demokratike dhe vetë Lulzim Basha, përveç procesit që kanë nisur me përzgjedhjen e kandidatëve për deputet dhe Programit qeverisës që kanë hartuar, duhet ta kenë parasysh atë që shumë kohë më parë e ka konstatuar Sekretari amerikan i Thesarit, William E. Simon, i cili i shërbeu me devotshmëri Amerikës dhe Presidentit Nixon: “Politikanët e këqij në Washington i dërguan njerëzit e mirë, të cilët nuk votuan!”
