500 policë në Karaçevë, arrestohen dhjetëra trafikantë dhe prostituta

Rreth 500 zyrtarë të Policisë së Kosovës, janë mobilizuar sonte në një mega-operacion duke i dhënë goditje krimit dhe korrupsionit në zonën kufitare të Karaçevës, ku u arrestuan dhjetëra persona.

Pas një pune të gjatë hetimore të udhëhequr nga Prokuroria Themelore në Gjilan, e asistuar nga Inspektorati Policor i Kosovës dhe Policia e Kosovës, në zonën kufitare të Karaçevës ku dyshohej se për një periudhë të gjatë kohore është ushtruar trafikim me qenie njerëzore, prostitucion, kontrabandë, organizim i lojërave të fatit dhe keqpërdorim të detyrës zyrtare, u arrestuan dhjetëra trafikantë dhe zyrtarë policie si dhe 40 prostituta, 12 prej tē cilave nga Shqipëria.

Përveç arrestimeve, në këtë aksion u përfshinë edhe fadromat të cilat filluan rrënimin e objekteve që shërbyen si kazino.