Debati Trump-Biden sonte në Cleveland. Ja ku mund ta shikoni…

Presidenti i SHBA, Donald Trump dhe i nominuari demokrat Joe Biden do të përballen për herë të parë sonte në debatin e shumëpritur në Universitetin Case Western në Cleveland, Ohio.

Debati do të transmetohet nga ora 21:00 deri në orën 23:00 (03-05 h të së mërkurës sipas kohës tonë) në Fox News ndërsa do të moderohet nga spikeri i po këtij televizioni, Chris Wallace.

Debati do të ndahet në gjashtë pjesë nga 15 minuta për një temë, ku është rënë dakord për përballje prej rreth 90 minutave pa asnjë ndërprerje.

Kandidatët pritet të debatojnë për emërimin në Gjykatën e Lartë, pandeminë e koronavirusit, trazirat civile dhe dhunën që ka shpërthyer në të gjithë kombin gjatë muajve të verës, dhe patjetër zgjedhjet, integriteti i së cilës është vënë në pikëpyetje me mënyrën e votimit.

Debatin mund ta shikoni në transmetim të drejtpërdrejtë në Facebook.com/FoxNews dhe YouTube.com/FoxNews si dhe të reagoni dhe komentoni në kohë reale.