Përvjetori i ribashkimit, Basha: Sot jemi krenarë për një aleat si Gjermania!

Duke përkujtuar 30 vjetorin e ribashkimit të Gjermanisë, Kryetari i Partisë Demokratike, Lulzim Basha, thekson se është dita kur nisi rënia e mureve në mbarë Europën lindore dhe hodhi themelet e bashkimit rreth vlerave të lirisë, demokracisë e dinjitetit njerëzor.

“Ribashkimi i Gjermanisë 30 vjet më parë shënoi nisjen e rënies së mureve në mbarë Europën lindore dhe hodhi themelet e bashkimit rreth vlerave të lirisë, demokracisë e dinjitetit njerëzor,” tha Lulzim Basha në reagimin e tij përmes rrjetit social Twitter sot kur natyrshëm edhe ne e kremtojmë:

“Këtë ditë si përkujtesë në rrugën drejt përmbysjes së regjimit që na mbajti për 50 vjet larg vlerave europiane por edhe si frymëzim për rrugën plot sfida në mbrojtje të lirisë,” shprehet Kryetari i Partisë Demokratike, Lulzim Basha, duke përfunduar:

“Sot jemi krenarë për një aleat si Gjermania që është mbështetësja më e madhe e integrimit në BE të Shqipërisë dhe që qëndron krah nesh në mbrojtje të vlerave të lirisë dhe demokracisë.”