Louise Gluck fiton Çmimin Nobel për Letërsi

Poetja amerikane, Louise Gluck, fitoi Çmimin Nobel për Letërsi për vitin 2020. Komiteti i Nobelit tha në vendimin e tij se zëri i saj i pagabueshëm poetik e bën ekzistencën individuale universale.

Çmimi Nobel vjen me një medalje të artë dhe një shpërblim prej 1,1 milion dollarësh.

Vitin e kaluar Çmimi Nobel në Letërsi iu nda shkrimtarit austriak, Peter Handke, por ky vendim kishte ngjallur kritika të shumta.

Handke, raporton RFE, ishte një mbështetës i njohur i serbëve gjatë luftërave në Ish-Jugosllavi, gjatë viteve 1990, dhe kishte mbajtur fjalim në funeralin e ish-udhëheqësit serb, Sllobodan Millosheviç, i cili u akuzua për gjenocid dhe krime të tjera të luftës.