Nga Blindat te Maska, Basha: E vetmja masë e Edi Ramës kundër pandemisë: GJOBA!

Duke treguar fillimisht arsyen se përseditë për ditë i drejtohet publikut, sot Kryetari i Partisë Demokratike, Lulzim Basha, ka akuzuar qeverinë si gjobvënëse ndaj qytetarve vetëm që të mos marrë masa ekonomike pët ti ndihmuar shqiptarët e që filloi me autoblinda dhe përfundoi te maskat.

“Për fat të keq numri i viktimave po rritet, të papunët po rriten, ekonomia dhe shëndetësia po shkojnë drejt kolapsit. I gjithë qëllimi ynë ka qenë t’ia dilnim përpara kësaj të keqe. Kryeministri është i lodhur, pa ide pa vizion dhe pa pasion, por me pasion vetëm për të vjedhur.  Prandaj jam ditë për ditë para jush për të bërë atë që kam në dorë. Presionin maksimal. Nuk bëhet fjalë për interesin tim, por për jetën e shqiptarëve, për ekonominë e miliona shqiptarëve. Kjo është arsye pse po bëj këtë përpjekje të përndritshme”, tha Lulzim Basha dhe duke theksuar numrin e djeshëm rekord shtoi se gjoba për maskat është e vetmja masë që ka marrë qeveria deri më tani gjatë pandemisë teksa dje u shënua rekordi i ri i infektimeve.

”Situata ka njohur një tjetër përkeqësim. 257 raportuar zyrtarisht dje, ndërsa viktimat 439. Ndërkohë qeveria nuk ka marrë asnjë masë të vetme. E vetmja masë që ka marrë është të gjobisë qytetarët. E vetmja masë veprimptari e qeverisë në kohën kur çdo shtet tjetër po merr masat më të forta kundër pandemisë, është të gjobisë qytetarët. Është kthyer në një qeveri gjobvënës. Gjoba për qytetarët, bizneset, për këdo,” tha lideri i Opozitës së Bashkuar duke i cilësuar si gjoba për të mbushur një thesar të zbrazur ndërsa konstaton se shqiptarët janë i vetmi popull në Ballkan që s’marrin asnjë mbështetje.

“Vendet e tjera kanë ofruar paketën e katërt, po dje i pari i qeverisë edhe për pak kohë tha se s’do ketë asnjë paketë të tretë. Përgjigjia e vetme e Ramës është gjoba. Njëherë blindat, tani fshihet pas maskave. Vetëm e vetëm për të mos marrë masat që duhen marrë për të mbështetur mjekët, infermierët dhe mijëra shqiptarë që kërcënohen me vetëekzistencën dhe bukën e gojës. E keni parë që tani nuk tregojnë më sa teste bën ISHP dhe sektori privat. Sa janë serologjik dhe tamponë. Pse ndodh kjo?

Sepse Shqipëria vijon me numrin më të ulët të testimeve në rajon dhe Europë. Prej marsit e kam kërkuar rritjen e testimeve. Për të izoluar dhe shkëputur zinxhirin e infektimeve.”

Dhe jo vetëm kaq! Qeveria ka braktisur sistemin shëndetësor, ka mashtruar e gënjyer mjekët e infermierët për bonusin, tha Basha duke shtuar se edhe shkollat i ka lënë në mëshirë të fatit.

“Sistemi shëndetësor vazhdon të mbetet e braktisur, i papërkrahur. Çdo mjek duhet të jetë i pajisur me pajisjet mbrojtëse për vetveten dhe pajisjet që luftojnë virusin. Bonusi prej 1 mijë euro për mjekët dhe 500 euro për infermierët është një premtim i pazbatuar, gënjeshtër. Pika e dytë ka të bëjë me hapjen e shkollave dhe pasojat që kjo ka sjellë si për mësuesit, stafin, ashtu dhe nxënësit e familjarët e tyre. Kemi kërkuar testimin periodik të tyre, por refuzojnë ta bëjnë,” tha Kryedemokrati duke rikujtuar se në shkolla vazhdon të mungojë uji i rrjedhshëm për të larë duart dhe nuk ndodh dezinfektimi i klasave ndërsa shtoi:

“Po kështu, asnjë hap për të garantuar teknologjinë e nevojshme për vogëlushët që nuk kanë nevojë, për t’iu mundësuar mësimin. Kryeministri shqiptar është i vetmi që nuk e vë ujin në zjarr, që e ha turpin me bukë. Premtoi paketë të re ndihme, por nuk ka paketë të tretë për asnjë.”

Opozita detyrën e vet po e përmbush me sukses, vlerësoi me këtë rast Kryetari i Partisë Demokratike pasi që prej fillimit të pandemisë në mars i ka shpalosur dhe propozuar qeverisë planin, por Edi Rama nuk dëgjoi; Ndryshe, Shqipëria sot nuk do të ishte në këtë situatë!

”Jo çdo opozitë e ka bërë si ne, jemi e vetmja opozitë në ballkan dhe të paktat në europë, që prej marsit që kemi shpalosur plan masash. Po të na kishin dëgjuar para 6 muajsh nuk do ishte Shqipëria këtu ku është sot. Nuk e kemi bërë këtë kalë beteje. As nuk nxorën mësim, por vetëm gjoba gjoba,” tha Kryetari i Partisë Demokratike, Lulzim Basha, duke përfunduar:

“Më shumë se dy javë ia kemi vendosur para një plan të zbatueshëm, të hiqet dorë nga vjedhja në kohë pandemie dhe paratë të çohet tek shqiptarët .Opozita po e realizon detyrën me sukses,të tjerat janë në dorë të qeverisë. Janë në fund qytetarët që vendosin në fund.”