Video/ “Lajçak u keqkuptua!” Zëdhënësi i BE, Peter Stano gënjen!

Brukseli vlerëson se deklarata e Përfaqësuesit Special për dialogun Kosovë-Serbi, Mirosllav Lajçak për ndryshimet e nevojshme kushtetuese është keqinterpretuar. Zëdhënësi për Politikë të Jashtme dhe Siguri i BE-së, Peter Stano, tha për RFE se duhet bërë dallimi mes asaj që është perceptim dhe dhe keqinformim, me realitetin e shpjeguar nga zoti Lajçak. Por si Lajçak ashtu dhe Stano po gënjejnë!

“Në këtë rast, është thënë ajo çka është e qartë, dhe zoti Lajçak ka shpjeguar se çfarë ndodh nëse je duke e negociuar një marrëveshje ndërkombëtare. Kur arrin një marrëveshje ndërkombëtare, atëherë duhet të konsiderohen rregullimet e nevojshme ligjore nga qeveria, duke përfshirë edhe nivelin kushtetues, në mënyrë që ta integrojë atë në rendin ligjor dhe kushtetues. Dhe kjo vlen për Kosovën dhe Serbinë,” tha Stano.

Për të qenë korrekt, mediat nën kontrollin e Zyrës së BE i referohen konferencës për media në Beograd, ku Lajçak kishte thënë se në një proces serioz negociator, është e logjikshme që do të duhet të ndryshojë edhe Kushtetuta; Por ky Përfaqësues i Bashkimit Evropian për dialogun Kosovë-Serbi, në një intervistë shteruese për televizionin publik serb, RTS, që ka dhe shikueshmërinë abosulte shprehet:

“Mesazhi për bashkëbiseduesit e mi në Prishtinë është se Kushtetuta nuk është Bibël dhe nëse jeni futur në këtë proces atëherë duhet të jeni të gatshëm që të ndryshoni Kushtetutën. Kur dhe si, këto do të jenë të dukshme në fund të procesit. Nuk mund ta pranojmë germën e Kushtetutës si vijë të kuqe.”

Pse gënjen Zëdhënësi për Politikë të Jashtme dhe Siguri i BE-së, Peter Stano, ai e din më mirë, se çfarë ka thënë Lajçak mund ta dëgjoni:

Ndryshe, deklarata për ndryshimin e Kushtetutës ka nxitur reagime të shumta në Kosovë, bazuar dhe në vendimin e Gjykatës Kushtetutese të Kosovës. Për Asociacionin, shqetësimi kryesor është kompetencat e tijë ekzekutive!