Arben Kraja hape gojën, Basha: Edi Rama nuk është i çmendur, është hajdut!

Duke reaguar ndaj të dhënave që u publikuan nga Fondi Monetar Ndërkombëtar, ku Shqipëria renditet e fundit në Evropë sa i takon investimit në situatën e COVID-19, Kryetari i Partisë Demokratike, Lulzim Basha, dy paketat ekonomike që dha qeveria për krizën e COVID-19 i cilësoi si paketa anemike.

Dhe, sërisht edhe me këtë rast përsëriti thirrjen për SPAK, prokruorët dhe kreun e saj Arben Krajaduke iu kërkuar që të ndëshkojnë politikanët e korruptuar ndërsa për Kryeministrin Edi Rama tha se nuk është i çmendur, është mashtrues dhe hajdut!

“Ditën e djeshme FMN publikoi të dhënat tronditëse sa i përket braktisjes që qeveria shqiptare ka bërë në këto muaj të pandemisë. Pas meje do të projektohet një grafik i publikuar nga FMN, i cili tregon se Shqipëria, kolona e fundit e kuqe, është në vendet në zhvillim, ka investuar 0.86 % për t’u përballur me pandeminë. Është vendi i fundit në Europë. Tani atë që çdo qytetar e ka ndjerë në kuletën e vet, në tavolinën e tyre, atë që çdo prind e di fare mirë mbi pamundësitë për të financuar veshmbathjet, e ushqimin, atë që pacientet e dinë s’e kur COVID i sëmurë, është pamundësi, pasi Rama nuk i’u përgjigjet njerëzve,” tha Lulzim Basha soi ky realitet sot është shpallur edhe nga institucioni shumë i rëndësishëm si FMN.

“Një vend me dy paketa anemike, që nuk u disbursuan të plota. Kaq lekë ndau Edi Rama, ndërkohë që shqiptarëve iu mori 40 herë më shumë si taksa, tarifa. Ja ku është e vërteta e shpalosur. Ja ku është problemi dhe përgjegjësi për këtë problem është njerëzi që në kushtet e krizës, paratë i çon në afera korruptive. Mendja e një njeri normal do të donte që një kryeministër sado jo normal, të thoshte; kaq pak lekë sa iu kam dhënë qytetarëve, premtimet që iu dhashë, bonusin për mjekët, të paktën meqë po vjen viti i ri buxhetor të bëjë diçka. Ça ka bërë me buxhetin e ri?! 120 mln euro për koncensione. Ky është një njeri, i cili deri në ditën e fundit që të ketë pushtet, ka për të grabitur shqiptarët, edhe kur ju kushton atyre jetë njerëzish. Ky është mesazhi për projektbuxhetin e 2021.”

Oshëtin, heshtja e SPAK!

Ndërsa foli për raportin e FMN-së, situatën me pandeminë dhe ekonominë shqiptare, lideri i Opozitës së Bashkuar përsëriti edhe sot thirrjen për SPAK, kreun e saj dhe prokurorët duke iu kërkuar të ndëshkojnë politikanët e korruptuar.

“Le të vijmë tek realiteti. E vetmja shifër që qeveria raporton janë gjobat që vendos për ata që nuk mbajnë maskë. Testimet më të ulëtat në rajon dhe Evropë. Financimi për shëndetësinë më i ulëti në rajon, ndihma për biznesin dhe familjet që kanë humbur vendin e punës është zero.E vetmja gjë që oshëtin sot në Shqipëri është heshtja e SPAK-ut,” tha Basha duke i bërë të qartë Kryeministrit Edi Rama:

“Duhet ta harrojë Rama dhe SPAK-u se unë do lodhem duke dalë ditë për ditë deri ditën e fundit të Edi Ramës që po afron në pushtet dhe të kërkoj që SPAK-u të bëjë detyrën. Është detyra juaj zoti Kraja, zotërinj prokurorë të SPAK-ut. Jeni të mbrojtur nga SHBA dhe partnerët. Janë marrë të gjitha masat që të mos keni frikë me qëllim që të realizoni synimin numër një të SPAK-ut që është jo t’i mbroni por t’i ndëshkoni politikanët e korruptuar,” tha Kryetari i PD në hirjen e tij drejtuar titullarit të SPAK duke përfunduar:

“Ndaj zoti Kraja dhe prokurorë, hapeni gojën. A i keni nisur hetimet. Heshtja juaj ulërin në Shqipëri. Heshtja juaj inkurajon hajdutët dhe vjedhjen e parave të shqiptarëve”, deklaroi Basha.

Nervozizmin e Edi Ramës dhe frikën e tij, Lulzim Basha tha se e kupton, pasi e pret humbja.

“E kuptoj nervozizmin e tij dhe frikën e tij. Pasi realisht e pret jo vetëm humbja e thellë, por dhe përballja me drejtësinë. I gjithë fjalori vulgar, sjellja e tij rrugacërore, ka një qëllim, që më çojë mua në një debat që është i zbrazët nga substanca. Duket si kacafytje mes meje dhe atij. Por unë nuk jam këtu për t’u kacafytur me të. Kemi pasur një përballje më të, që unë e kam mundur në 2011-ën, e kam mundur dhe prapë do e mund,” tha Basha duke e bërë të qartë se është këtu për të mbrojtur interesin e qytetarëve.

“Jam për të treguar arsyet se pse ka ndodhur kjo, që janë aferat e tmerrshme. Edi Rama nuk ka përgjigje për këto. Ndaj mos u çudisni për gjuhën e ulët, gjuhë e baltës dhe mashtrimet e gënjeshtrat që bën ai. Për të hequr vëmendjen nga vjedhja, nga fakti se është i vetmi që nuk ka bërë asnjë paketë të tretë, sulmet ndaj meje janë gjëja më e pakët. Siç kërceu tek studio të enjten e kaluar, do shihni çudira të tjera. Do bëj çdo gjë me shpresën s’e shqiptarët do i harrojnë të vërtetat. Sfida ime dhe juaj është që mos t’i harrojmë ato,” tha Kryetari i Partisë Demokratike, Lulzim Basha, duke shtuar se sa herë që ai sillet si kloun, që përpiqet që të baltos dhe nxit konflikt, ka futur duart në xhepin tuaj ndërsa përfundoi:

Edi Rama nuk është i çmendur…

“Ka 7 vite që bën këtë. Sa herë që bën gërr-vërre të lodhura, po planifikon vjedhje të radhës. Sa herë që e bën atë, mos pres që të kacafyten me të. Nuk është luftë gjelash. Unë jam një model krejt tjetër. Unë besoj tek mendja njerëzore. Unë besoj se njerëzit nuk mund t’i bësh budallenj. Se besoj se mund tua shesë sapunin për djathë. I ka dalë kallaji. Sa herë që ta shohin duke u sjellë si kloun, si gjoja të çmendur, se e kemi dhe ne fajin që i themi ashtu. Por ai nuk është i çmendur, është mashtrues dhe hajdut. Ai çmendurinë gjoja e përdor për të harruar njerëzit premtimet për 300 mijë vende pune. “