Mbyllja e dytë nga COVID-19, Basha: Çdo masë kufizuese, rezultat i dështimit të Ramës

Deri sa numri i viktimave nga COVID-19 sa shkon dhe rritet, e kryeministri vijon me akuzat ndaj opozitës për të shmangur përgjigjet për kolapsin e shëndetësisë, Kryetari i Partisë Demokratike, Lulzim Basha, tha sot se çdo masë shtesë kufizuese, përfshi edhe mbylljen e dytë nga COVID-19 do të jetë rezultat i dështimit të Edi Ramës.

“Sot kam një thirrje për çdo media. Jemi në emergjencë shëndetësore, mos e lejoni propagandën e një njeriu të shfrenuar të domonijë, pa iu përgjigjur pyetjeve:

Pse nuk merr masa për të rritur testimet? 2500 në ditë është minimumi

Pse nuk paguan bonusin për mjekët, sipas propozimit tonë?
Gozhdojeni nga mëngjesi në darkë. Pse nuk rrit testimet, pse nuk paguan bonusin, pse nuk përgatit infrastrukturën për t’u përballur me virusin. Spitalet po dalin jashtë kontrollit për shkak të infektimit. Kur do ndalësh vjedhjen e parave? Kur do i japësh fund vjedhjes së buxhetit, që është arsye pse kemi numrin më të ulët të testimeve? Kjo kushton jetë.

Gërr vërret e vjetra të raumatizmës së Ramës, batutat e lodhura bëhen me një qëllim. Kjo nuk është betejë politike, është betejë për jetën e shëndetin e  qytetarëve. Të bëjmë  gjithësecili betejën tonë, që paratë e taksave në këtë moment kolapsi të shkojnë të shendetësia, testimet e jo të gllabërohen për ditë e javë nga Edi rama. Nuk ka temë më të rendësishme se jeta e shëndeti i njerëzve. Nëse këto masa do ishin marrë 5 javë më parë kur proprozuam planin tonë, sa jetë do ishin shpëtuar,” tha Lulzim Basha duke dhënë dhe rrugëzgjidhjen në këtë emergjencë:

“Plani ynë bazohet në mundësitë aktuale të shtetit. Nuk është kohë për t’u tallur me shëndetin është koha për të marrë masa urgjente tani!

Koha për t’u tallur me shqiptarët duhet të marr fund sot. Pas 25 prillit Rama e banda e tij s’do kenë mundësi të bëjnë shaka me shqiptarët.“

E pashmangshme ishte deklarata e djeshme në seancën plenare të ministres së Shëndetësisë, Ogerta Manastirliu, e cila duke ju bërë thirrje qytetarëve të respektojnë masat,tha se situata mund të shkojë deri aty sa të përzgjidhet kush do të trajtohet e kush jo. Për liderën e opozitës ky është një krim ndaj shqiptarëve.

“Edi Rama, ministrja e Shëndetësisë dhe njerëzit përgjegjës për këtë situatë janë dyfish fajtorë. Nuk kanë marrë asnjë masa për t’i përpara situatës, ndonëse kanë qenë të paralajmëruar nga ekspertët, opozita, ndonëse OBSH ka lëshuar udhëzime për të marrë masa paraprake. Si rezultat i kësaj numri i infektimeve është shtuar shumë më shumë, sesa nëse situata do të mbahej nën kontroll, e do të bëheshin mbi 2 mijë testime. Së dyti, ata janë faktorë për fshehjen e të vërtetës.
Kjo është dita e zezë, për të cilën Rama duhet të kishte përdorur paratë. Testime mbi 2 mijë në ditë, rritja e kapaciteteve spitalore, rimbursimi i ilaçeve për të sëmurët me Covid, mund të ishin financuar dhe të conin në uljen e numrit të të infektuarve dhe viktimave,” tha Basha në bashkëbisedim me gazetarët duke shtuar se Edi Rama i ka paratë por zgjedh t’i vjedhë, dhe prej dy javësh po i ikën përgjegjshmërisë dhe mundohet ta zhvendosë debatin.

“Do vazhdojë të hapë lloj-lloj diskutimesh, vetëm që mos të përgjiet pse nuk rrit numrin e testimeve, të mjekëve dhe infermierëve, pse nuk hap spitale të tjera, pse nuk paguan ata që kanë humbur vendet e punës, pensionistët, ata që janë në nevojë. Tani vjen pjesa më kriminale. Mbrëmë në Parlament ministrja tha se do të përzgjidhet kush do të trajtohet e kush jo. Pse kemi ardhur në këtë pikë? Sepse paratë që duhet të shkonin për të trajtuar të sëmurët me Covid i kanë vjedhur. Kush ja jep të drejtën Ramës dhe kukullave të tij të vendosin se kush duhet të trajtohet e kush jo,” tha Kryetari i PD duke përfunduar:

“A ka krim më të madh ndaj shqiptarëve? Të vendosësh kush do të jetojë, e kush do të vdesë.”

Lidhur me paralajmërimin për një mbyllje të dytë nga COVID-19, Kryetari i Partisë Demokratike, Lulzim Basha, thekson se çdo dështim dhe masë kufizuese është rezultat dhe produkt i dështimit të Edi Ramës ndërsa vazhdon të jetë i bindur se sikur të ishin marrë masat që propozoi opozita, situata do ishte shumë më e lehtë për t’u përballuar sa ç’po bëhet nga ora në orë. S’ka asnjë alibi pse nuk janë marrë masat.

“Nuk ka asnjë dyshim që ai grup e ekspertëve po vepron si fasadë e dështimeve të Ramës. Ai ka dështuar me qëllim me menaxhimin e krizës. Arsyet ja u thashë. Paratë që duhet të shkonin për shëndetësinë, pacientët e qytetarët. Rama ia ka harxhuar për klientët.

Përgjegjësia është e tij, nuk mund të fshihet pas grupit të ekspertëve. Ekspertët kanë folur para nesh, kanë kërkuar rritje të testimeve, rimbursim të paketës së ilaçeve, këta janë të vërtetët. Të tjerët janë fasadë e Ramës.

Nëse do ishin marrë këto masa, situata do ishte shumë më e lehtë për t’u përballuar sa ç’po bëhet nga ora në orë. S’ka asnjë alibi pse nuk janë marrë masat. Çdo dështim dhe masë kufizuese është rezultat dhe produkt i dështimit të Ramës, i menaxhimit në  kohë. Nuk ka pasur asnjë plan për të ndihmuar njerëzit e sistemit, por është fshehur dhe fshihet ndërkohë që vijon të vjedhë paratë e shqiptarëve,” tha Basha duke mos bërë krahasimin me Francën dhe Gjermaninë, po me Maqedoninë e Veriut që ka paketën e katërtë ndërsa përfundoi:

“Padiskutim, rritja e numrit të testimeve, rrit aftësinë për të ndërprerë zinxhirin e infeksionit. E ka thënë OBSH, është e faktuar. Sa më pak të testosh, aq më pak të infektuar dalin. Sa më shumë, aq më tepër lind nevoja për masa. Të mbrosh, të pajisësh mjekët, ky nuk e ka bërë, të rimbursosh ilaçet, ky nuk e ka bërë. Mban testimet në nivel të ulët e pastaj thtoë në Kuvend do vendosim kush do jetojë e kush do vdesë. Të tjerat janë pallavra, që njerëzit të hanë sapunin për djathtë. Vendi ka mundësi financiare për t’u pëballuar, por kryeministri vijon vjedh.”