Foto/ Te “Sami Frashëri” dhe “5 Maji”, PD: Nuk punohet! Nuk ndërtohet!
Fadromat ndizen vetëm kur i nevojiten manipulatorit Erion Veliaj për të bërë foto, tha sot në reagimin e saj Partia Demokratike përmes Ish-Deputetes Jorida Tabaku, duke sjellë pamje nga shkolla Sami Frashëri dhe zona e bllokut “5 Maji” ku nuk punohet ndonëse kryemanipulatori Edi Rama e transmetoi live në televizionin e tij privat se po ndërtohet.
“Sot thuajse një javë mbas nuk punohet në asnjë kantier sepse qeveria dhe krybetonieri Veliaj nuk kanë vullnet dhe as dëshirë të ndihmojnë shqiptarët. Ato kanë vjedhur taksat e shqiptarëve gjithë këto vite dhe tanimë nuk u ka mbetur asgjë përpos se gënjeshtrat dhe manipulimet,” tha Ish-Deputetja e Partisë Demokratike, Jorida Tabaku në reagimin e saj përmes rrjetit social Facebook duke përfunduar:
“Nuk punohet! Nuk ndërtohet!”
Statusi i plotë:
Tërmeti dhe pandemia grisën fasadën e qeverisë dhe botën imagjinare që kish ndërtuar propaganda!
Dhe në fatkeqësi e kanë mendjen te propaganda dhe vjedhja.
Shkolla “Sami Frashëri” është shembulli më i mirë se si punojnë e mendojnë, se si e konsiderojnë pronën private dhe atë publike si çiflig të tyre, se si manipulojnë shqiptarët përpara kamerave duke gënjyer se punohet dhe sapo ato fiken puna ndalon.
E gjitha në funksion të mbulimit të vjedhjes së taksave të shqiptarëve.
Betejën mes propagandës dhe fakteve e fiton gjithmonë e dyta, pasi tregon të vërtetën. Asnjë regji qendrore apo video 3D nuk mund të çbëjë të vërtetën se tek shkolla Sami Frashëri nuk punohet.
Fadromat ndizen vetëm kur i nevojiten manipulatorit Veliaj për të bërë foto. Pamjet që shihni tregojnë se as në zonën e bllokut “5 Maji” nuk punohet ndonëse kryemanipulatori Rama e transmetoi live në televizionin e tij privat se po ndërtohet.
Sot thuajse një javë mbas nuk punohet në asnjë kantier sepse qeveria dhe krybetonieri Veliaj nuk kanë vullnet dhe as dëshirë të ndihmojnë shqiptarët. Ato kanë vjedhur taksat e shqiptarëve gjithë këto vite dhe tanimë nuk u ka mbetur asgjë përpos se gënjeshtrat dhe manipulimet.
Nuk punohet!
Nuk ndërtohet!
