Austria në zi, identifikohet autori i sulmit terrorist në Vjenë
Qeveria e Austrisë ka vendosur tri ditë zi kombëtare, pas sulmit të terrorist mbrëmjen e së hënës në Vjenë ku humbën jetën katër persona ndërsa njëri prej sulmuseve u qëllua për vdekje, dhe rezultoi se bëhej fjalë për një 20 vjeçar shqiptar me prejardhje nga Maqedonia e Veriut.
”Katër persona humbën jetën pas sulmit terrorist në Vjenë,” tha ministri i Brendshëm i Austrisë, Karl Nehammer, për Agjencinë austriake të lajmeve, APA ndërsa për sulmuesin i cili u qëllua për vdekje nga policia shtoi:
”Ai ishte simpatizant i grupit të milicisë ekstremiste ‘Shteti Islamik,” tha ministri Nehammer duke saktësuar se bëhet fjalë për 20 vjeçarin Kurtin.S, lindur në Austri por me origjinë shqiptare nga Maqedonia e Veriut ndërsa katër atentatorët e tjerë u dorëzuan para policisë.
Për identitetin e terroristit të ekzekutuar nga policia, kishte shkruar më herët edhe Kryeredaktori i gazetës së përjavshme austriake Falter, Florian Klenk.
“Emri i tij ishte Kurtin S. i lindur në vitin 2000, ishte 20 vjeç, ishte lindur dhe rritur në Vjenë dhe kishte prejardhje shqiptare. Prindërit vinin nga Maqedonia e Veriut dhe nuk bien në sy kur bëhet fjalë për islamizmin,” tha Klenk përmes rrjetit social Twitter duke shtuar:
“Kam hulumtuar disa detaje rreth terroristit, emri i tij ishte Kurtin S. i lindur në vitin 2000, ishte 20 vjeç, ishte lindur dhe rritur në Vjenë dhe kishte prejardhje shqiptare. Prindërit vinin nga Maqedonia e Veriut dhe nuk bien në sy kur bëhet fjalë për islamizmin. Ishte nën radarin e autoriteteve sepse ishte një nga rreth 90 islamistët austriakë që donin të udhëtonin drejt Sirisë. Ai u ndalua ta bënte këtë në korrik. Policia nuk i besoi atij që po planifikonte një sulm terrorist në Vjenë.”
Ndërkohë u mësua se emri i vërtetë i terroristit 20 vjeçar është Kujtim Fejzullahu. Kujtimi ka lindur dhe është rritur në Austri ku ka qenë dhe futbollist në adoleshencë. Prej kontaktit me ekstremistë islamikë hyri në rrugën e radikalizimit dhe dyshohet se në aksionin e të hënës nuk ishte vetëm, por janë përfshirë edhe 12 persona të tjerë, nga Kosova, Bangladeshi ose Çeçenia.
Fejzullahu, mësohet nga burime të policisë austriake, jo vetëm frekuentonte xhamitë, por edhe kishte rekorde të mëparshme kriminale si dhe në korrik kishte shkuar në Sllovaki për t’u furnizuar me armatim për armën e tij tip kallashnikov.
Ndryshe, sulmi nga i cili mbetën të vdekur 4 personave u krye në disa pika të kryeqytetit austriak, Vjenë. Gjithçka nisi në orën 20:00, kur disa persona të armatosur nisën të qëllonin në ambjente te ndryshme ndaj civilëve. Viktimat ishin 3 burra dhe një grua të moshës nga 40 deri në 50 vjec. Po ashtu raportohet edhe për 17 persona të plagosur.
