Veliaj përgënjeshtron PD-në me “video-live”, Tabaku sjellë video-dëshmi të re
Kryetari i Bashkisë Tiranë, Erion Veliaj, duke përgënjeshtruar Partinë Demokratike, ka publikuar një video që pretendon se është “live” nga puna që po bëhet për rindërtimin e shkollës “Sami Frashëri”. Madje Veliaj përveç përgënjeshtrmit ofendon si Jorida Tabakun ashtu dhe ish-partneren e kaolicionit, Monika Kryemadhi, duke deklaruar se nuk është problem që u çmendën, por u çmendën të dyja njëherësh.
“Sami Frashëri LIVE. Nuk është problem që u çmendën, por u çmendën të dyja njëherësh. Cytet Mona me Jorin kush do thotë marrëzinë më të madhe, budallëkën më epik, histerinë më ekstreme,” thekson Erion Veliaj duke e shoqëruar me video-live ndërsa përfundon:
Sami Frasheri LIVE ?
— Erion Veliaj ?♂️?⚽️?? (@erionveliaj) November 3, 2020
Nuk eshte problem qe u cmenden, por u cmenden te dyja njeheresh. Cytet Mona me Jorin kush do thote marrezine me te madhe, budalleken me epik, histerine me ekstreme. ??♂️
Boll se late nam – a keni cipe, a skuqeni para femijeve, a keni turp, a keni familje? ? https://t.co/aCdJi8uvu4 pic.twitter.com/wWv4GJ8OjD
“Boll se latë nam – a keni cipe, a skuqeni para fëmijëve, a keni turp, a keni familje?”, shkruan Veliaj krahas videos live nga kantieri te “Sami Frashëri”.
Por Ish-Deputetja e PD, Jorida Tabaku, publikon një tjetër video nga shkolla e shembur, ndërsa shprehet se nuk është hera e parë që Veliaj gënjen.
“Unë me fakte, ai me ofendime! Derman gënjeshtarit nuk i bëj dot por për interest ë punlikut një pamje live nga vendi ku dikur ngrihej Samiu. Nuk është hera e parë që gënjen! Samiu është shembulli ideal për të ilustruar mënyrën se si punojnë,” shprehet Jorida Tabaku në reagimin e saj duke përfunduar:
“Se si një vit pas tërmetit zvarrisin njerëzit, nxënësit sepse duan korrupsionin më shumë se dijen. Aq shumë sa e përdorin dhe në fatkeqësi madje e kanë të parin në rradhë!”
