Live/ SHBA sot zgjedh Presidentin, Donald Trump apo Joe Biden!
Shtetet e Bashkuara sot zgjedhin presidentin e ri ndërkohë që të dy kandidatët kryesor, Donald Trump dhe Joe Biden, janë të bindur për fitoren.
Por zgjedhjet në SHBA janë ndryshe nga vendet tjera, e këto që zhvillohen këtë vit janë ndryshe nga të gjitha të tjerat si për klimën politike, të sigurisë ashtu dhe atë shëndetësore, që në masë të madhe ka ndikuar strategjia komuniste e demokratëve.
Në skenën politike amerikane dominojnë dy parti, Republikanët me kandidatin Donald Trump, 74 vjeç, që përfaqësojnë rrymën konservatore dhe Demokratët, që përfaqësojnë rrymën liberal-progresive me kandidatin Joe Biden, 77 vjeç.
Donald Trump dhe Joe Biden nuk janë kandidatët e vetëm zyrtar kështu amerikanët kanë mundësi të votojnë edhe për kandidaten e partisë libertariane,
Jo Jorgensen, kandidatin e partisë së të Gjelbërve, Howiej Hawkins, dhe shtatë kandidatë të tjerë në varësi nga shteti federal ku votojnë duke përfshirë edhe reperin, Kanye West.
Gjithsesi, kandidatët republikan dhe demokratë janë ata që mund të llogarisin në fitore.
Në SHBA nuk ekziston heshtja zgjedhore kështu që kandidatët edhe dje kanë përçuar mesazhet e tyre të fundit tek elektorati. Donald Trump i zhvilloi pesë tubime elektorale në Karolinën Veriore, Pennsylvania, Wisconsin dhe Michigan ndërsa Joe Biden ashtu si dhe gjatë gjithë fushatës mezi arriti ti realizoj dy tubime, në Pennsylvania dhe Ohijo.
Kandidatët nxorën aset e tyre të fundit nga mëngët në mënyrë që ti bëjnë për vete votuesit, duke prezantuar personazhet e njohura që i mbështesin. Biden kishte Ish-Presidentin Barack Obama ndonëse nuk kishte se pse të mburret me të duke pasur parasysh varfërinë që la pas dhe vendin pa diplomaci amerikane; Ndërsa Donald Trump u mbështet nga politikani i njohur Nigel Farage, themeluesi i partisë Ukip që u angazhua edhe për Brexit.
Trump: Do të fitoj të paktën 306 vota elektorale
Falë politikës komuniste të demokratëve sot Amerikanët dalin në zgjedhje të ndarë që nuk janë parë që nga lufta e Vietnamit në vitet 1970. Tashmë kanë votuar mbi 100 milionë ndërsa ekspertët parashikojnë një pjesëmarrje shumë më të madhe se në vitin 2016, ku përballë mobilizimit të paparë të demokratëve dhe sondazheve nga më të ndryshme, bënë që në votime dalin 138 milionë amerikanë por që sërish pësuan humbje nga kandidati republikan. Donald Trump.
Sot, si Trump ashtu dhe Biden janë të bindur në fitore.
“Do ta korrim edhe një fitore të bukur,” tha Donald Trump ndërsa Joe Biden u shpreh: “Ndjejë që po na pret fitore e madhe”!
Gjatë një prononcimi për Fox News, Presidenti Trump tha se ka shans për të fituar dhe parashikoi se do të marrë 306 vota elektorale.
“Do të fitoj bindshëm në Texsas, Florida dhe Arizonë, dhe gjithashtu mendoj se sot na presin rezultate të mira edhe në Karolinën e Veriut,” tha Donald Trump.
Për fitore i duhen 270 vota elektorale.
Çfarë janë këto vota?
Në fakt, presidentin amerikan e zgjedh trupa që quhet Kolegji Elektoral dhe ka 538 vota. Elektorët janë të deleguar nga çdo shtet federal në vartësi nga numri i popullsisë që ka, kështu Kalifornia ka 55 elektorë, Texasi 38, New York dhe Florida nga 29 etj. Shtetet me popullsi të rrallë si Alaska, Vermonti, Delaware, Wyoming ose Montana kanë vetëm nga 3 elektorë.
Kandidatët për president garojnë në çdo shtet veçantë, e fituesi, pavarësisht nga dallimi se sa vota ka më shumë, fiton gjithë elektorët e atij shteti. Ky rregull vlen në të gjitha shtetet me përjashtim të Nebraskas dhe Maineut që elektorët i ndajnë.
Në fund kandidati presidencial për fitore duhe të marr shumicën absolute, përkatësisht 270 nga 538 vota elektorale.
Ndonëse zgjedhjet formalisht zhvillohen sot, Amerikanët kanë filluar të votojnë me javë të tëra. Për votimin me postë, kësaj radhe kanë vendosur shumë prej tyre kryesisht për shkak të pandemisë së koronavirusit.
Qendrat e votimit hapen dhe mbyllen në gjashtë zona kohore, dhe e fundit pritet ta bëjë Alaska, nesër në orën 7:00 me orën tonë lokale.
Kandidati demokrat Joe Biden përmess rrjetit social Twitter porositi:
“Po kandidohem si demokrat krenar, por do të qeverisi si president amerikan, e për ata që nuk më mbështesin do të punoj si për ata që më mbështesin. Sepse kjo është puna e Presidentit.”
Ndërsa Presidenti aktual Donald Trump pasi vendosi që rezultatin e zgjedhjeve ta pres në Shtëpinë e Bardhë përmes rrjetit social Twitter postoi edhe spotin e tij promocional:
VOTE! VOTE! VOTE!pic.twitter.com/85ySh1KYkh
— Donald J. Trump (@realDonaldTrump) November 3, 2020
Ndërkohë kanë mbërritur edhe rezultatet e dy vendeve simbolike që hapin zgjedhjet në SHBA, në New Hampshire të Dixvill Notch në kufirin amerikano-kanadez dhe 20 kilometra në jug të Millsfieldit.
Në Dixville Notch të gjitha pesë votat kanë shkuar për kandidatin demokrat Joe Biden ndërsa në Millsfield fitoi Donald Trump në raport 16:5. Ndryshe.
Presidenti i fundit demokrat ishte Barack Obama, 2009. – 2017.), me Joe Bidenin Zv/President, ndërsa Republikanët para Donald Trump kishin George Ë. Bush, 2001 – 2009.
