Negociatat me BE, Holanda kundër: Shqipëria nuk i përmbush parakushtet!

Holanda nuk e dha pëlqimin që Shqipëria të zhvillojë konferencën e parë ndërqeveritare. Lajmin e hidhur e ka bërë të ditur Reporteri për Shqipërinë në Parlamentin e Holandës, Pieter Omtzigt, pas debatit mbi Gjykatën e Lartë, ndjekjen penale të krimit në nivelet e larta dhe pjesën e dytë të njëanshme të reformës ndërsa thekson deklaratat e ministrit të Jashtëm Stef Blok se Shqipëria nuk i përmbush parakushtet për konferencën e parë ndërqeveritare.

“Sapo patëm një debat në parlamentin holandez. Qeveria holandeze, ministri Blok, deklaroi qartë se Shqipëria nuk i përmbush parakushtet për Konferencën e Parë Ndërqeveritare. Kjo do të thotë se ai nuk do të japë pëlqimin,” thekson Pieter Omtzigt përmes rrjetit social “Twitter” duke bërë të ditur dhe problemet e diskutuara:

“Vendet vakante në Gjykatën e Lartë, ndjekjen penale të krimit në nivelet e larta dhe reformën zgjedhore, veçanërisht pjesën e dytë të njëanshme të asaj reforme.”