U.D. Presidentja Vjosa Osmani: Unitet e besnikëri ndaj Kosovës!

Ushtruesja e detyrës, Presidente e Kosovës, Vjosa Osmani, në fjalimin e parë drejtuar qytetarëve kërkoi unitet e besnikëri ndaj republikës, sot kur ai përballet me sfida në mënyrë që të tejkalohen me dinjitet.

“Vendi ynë po kalon ditë të vështira. Qytetarët e Kosovës duhet të dëshmojnë unitet e besnikëri ndaj projektit tonë të përbashkët, republikës sonë. Vendi ynë kaluar sfida të shumta gjatë historisë, përfshirë edhe luftën e fundit prandaj duhet të ushtrojmë me maturi përgjegjësitë institucionale e të forcojmë qëndrueshmërinë e shtetit, që bëhet i fortë edhe kur përballet me sfida duke i tejkaluar dinjitetshëm,” tha U.D. Presidentja e Kosovës, Vjosa Osmani duke saktësuar se veprimet e Gjykates Speciale janë rrjedhojë e obligimeve që Kosova ka pranuar.

Ndryshe, pas dorëheqjes së Presidentit të Kosovës, Hashim Thaçi, në përputhje me detyrimet kushtetuese, Kryetarja e Parlamentit, Dr.Vjosa Osmani, sot ka marrë zyrtarisht funksionin e U.D. Presidente e Kosovës.