Drafti i PS, Meta: Përpjekje puçiste, zero interes!

Pas depozitimit nga mazhoranca të draftit të Ligji të ri të Presidentit, Presidenti i Republikës, Ilir Meta, e konsideron si një përpjekje puçiste por me zero interes për këtë çështje.

“Zero interes për këto drafte dhe përpjekje puçistë. Ky është një parlament jo kushtetues, një parlament ku qytetaret kërkojnë shpërndarjen e tij te menjëhershme. Një parlament ku një pjesë e mire janë edhe tradhtarë dhe mercenare.

Për mua ka vetëm një interes që është 25 prilli dhe populli i Shqipërisë. Unë kam nisur marshimin tim si president drejt referendumit te 25 prillit. Ky do te jetë një referendum shume i qartë pasi mbi 95% e shqiptareve do të votojnë për Shqipërinë në Evropë,” tha Ilir Meta ndërsa për situatën e krijuar me grevën e grave naftëtare në Ballsh ai shtoi:

“E vetmja zgjidhje që mund të bëhet është shpërndarja e parlamentit dhe qeverise për të zgjidhur një problem të agravuar. Korrupsioni pa fre dhe mungesa e përgjegjësisë ndaj jetës së njerëzve është një dimension i përditshëm i kësaj qeveri dhe presidenti për të gjithë neglizhencën që i bëhet shtresave të shoqërisë tonë do të gjejë kohën e duhur për ti dhënë përgjigjen e duhur bashkë me popullin shqiptar.”