“Nuk mbron Thaçin”, Edi Rama edhe patriot edhe krenar për PS! Përgjigjet Meta
Pas akuzave se nuk po mbron krerët e politikës së Kosovës, që po përballen me drejtësinë në Hagë për krime lufte, Kryeministri Edi Rama i përgjigjet Ish-Presidentit Sali Berisha dhe Presidentit Ilir Meta duke shitur patriotizëm ndërsa çalon si mjeshtër shkrimin ndërsa thekson njëkohësisht se është krenar për Partinë Socialiste:
“Sali pse e votove pro Raportin e Dick Marty në Këshillin e Europes,kur ne e votuam kundër apo doje të mbroje Kosovën nga Hashimi? Po ti Ilir pse e votove pro Raportin e Dick Marty apo s’të pyeti Haxhinasto? Lulëzim ke gjë për të thënë apo s’ta lejon sekreti hetimor? Krenar për PS,” thekson Edi Rama në reagimin e tij përmes rrjetit social Twitter ndonëse nuk ka shqiptar që e kupton çfarë lidhje ka patriotizmi me Partinë Socialiste.
Dhe, ashtu siç ju shmang Kryeministri Edi Rama përgjegjësisë së ngritur për situatën e krijuar nga COVID-19, për të cilën foli sot lideri i opozitës Lulzim Basha, dhe u mor me arrestimin e Hashim Thaçit dhe Rezolutën e Dick Martyt, edhe ish-miku i tij Ilir Meta nuk u përgjigjë në pyetjen e Ramës por foli për debatin e shumëkërkuar, madje përmes zëdhënësit Tedi Blushi i cili përmes rrjetit social Facebook shprehet:
“Edvin Kristaq Tradhtia, armiku më i egër i kombit shqiptar, pupaci i fëlliqur i qarqeve më antishqiptare në planet, fyesi më i ndyrë i luftës së UÇK-së e gjakut të Dëshmorëve, nxitësi më i flaktë i urrejtjes ndaj Kosovës nëpërmjet veglave të UDB-së në Prishtinë e Tiranë, frikacaku që kalon Morinën me antiplumb dhe makinë të blinduar nga frika e ndëshkimit kombëtar, ka bërë sot një pyetje publike.
E ftojmë Esadistin të dalë në përballje me Presidentin Meta para të gjithë kombit shqiptar dhe për të marrë përgjigjen sy më sy.
Sa për mufkat që lëshon nga Twitter-i, as meritojnë përgjigje.
Kush të urdhëroi ty KryePis të hidhje në gjyq Kryeministrin e Kosovës?
Pse nuk ta mbajti të shkoje në gjyq o këlysh i rrahur që i vogël?
Edvin Kristaq Tradhtia dëgjoji mirë dhe mbaji shënim këto tre porosi:
- Ju shmange gjyqit që hape në Prishtinë por drejtësisë së kombit shqiptar nuk ke për t’i shpëtuar kurrë!
2. Mos e përmend më Presidentin Ilir Meta për çështjen e Kosovës dhe çështjen kombëtare se nuk do kesh kohë as të pendohesh o Esadist i fëlliqur!
3. Nuk do ketë Kim Philby që të të shpëtojë!”
Nuk kuptohet pse por Kryeministri Edi Rama iu përgjigj menjëherë Presidentit të Republikës, Ilir Meta ndërkohë kemi të bëjmë me dy proserbë që zili do ti kishte edhe Milladin Popoviç:
Ndryshe, në momentin kur Serbia me ndihmën e zviceranit Dick Marty lançoi idenë e Shtëpisë së Verdhë në Gurrë të Burrelit duke e çuar në Këshillin e Evropës si Rezolutë, Sali Berisha dhe Ilir Meta si pjesë të qeverisë iu përgjigjën detyrimeve dhe presionit nga Brukseli dhe nuk u dëgjua asnjë zë kundërshtues për shkak të procesit të integrimit, por nuk është e qartë ku ishte Edi Rama pa kurrfarë përgjegjësie në opozitë që nuk reagoi as me armatën socialiste të mjekëve, të paktën për të kundërshtuar aspektin mjekësor të marrëzisë “Dick Marty”.
