Pse nxitoi Joe Biden të shpall fitoren?! Apo harroi vitin 2000…
Sot kur kokat e majta janë ftohur paksa pas shpalljes së fitores nga Joe Biden, ende nuk është e qartë pse mediat nxitën humbjen e durimit te votuesit kur gjithçka po shkonte drejtë fundit dhe përfundoi në mënyrën më të shëmtuar të mundur pa folur trupat elektorale të shteteve përkatëse.
Vërtetë mbështetësit e kandidatit demokrat për president, Joe Biden, ishin mërzitur nga pritjet e përfundimit të numërimit të vota, por nuk është e qartë se pse këtë e bëri edhe i “urti dhe i mençuri” Joe Biden! Humbi durimin, ra pre e lojës mediatike apo ishte kjo strategji elektorale e Joe Biden nuk kuptohet, por e qartë është se ra në provimin e pjekurisë vendimmarrëse ende pa e marrë detyrën si president i shtetit më të fuqishëm në botë.
Amerikanët e Biden e në veçanti evropianët e majtë që vetëm nga demokracia nuk ia kanë idenë, humbën durimin por harruan vitin 2000 kur kandidati presidencial gjithashtu demokrat, Al Gore, shpalli fitoren por shpallja i përfundoi në koshin e plehrave.
A do të përfundoi edhe Joe Biden kështu?! Këtë nuk mund ta thotë as President Trump që është i zemëruar nga përdhosja që iu bë votave amerikane, por Joe Biden e kishte në dorë që të mos lejoj përsëritej e situatave të tilla, dhe të pritet fjala e gjykatës!
Demokratët humbën durimin, por në vitin 2000 pritën 35 ditë për të dëgjuar verdiktin, se presidenti i tyre i shpallur Al Gore, nuk është President i SHBA ndonëse ishte mbajtur ceremonia e fitores gati në të gjitha ambasadat amerikane në botë!
Ishte kjo gara elektorale që do të mbahet mend shumë gjatë, por çudi si e ka harruar senatori Biden që në atë kohë ishte në majat e partisë demokratike dhe njeriu më i afërt si i Presidentit Bil Klinton ashtu dhe Zv/Presidentit Al Gore.
Më 7 Nëntor 2000, kandidati demokrat Al Gore kishte marrë shumicën e votave por gjithçka varej nga 25 vota zgjedhore të Floridas. Rinumërimi u bë për shkak të rezultatit të ngushtë dhe Gjykata Supreme më 12 Dhjetor të vitit 2000 i dha fitoren kandidatit republikan George Bush i cili zyrtarisht u shpall President i SHBA.
Për ata që ishin mërzitë duke pritë rezultatin, injoranca edhe mund ti arsyetoj, por “i urti dhe i mençuri” Joe Biden është njohës i mirë i Amerikës dhe historisë së saj.
Në vitin 1876 rezultati është pritur plotë 4 muaj. Zgjedhjet u mbajtën më 7 Nëntor por rezultati zyrtar u bë i ditur më 2 Mars të vitit 1877, kur kandidati republikan, Rutherford Hayes u shpall fitues me një diferencë të ngushtë ndaj rivalit demokrat Samuel Tilden. Për arritjen e këtij rezultati, u formua një komision dypartiak, dhe mori fund kalvari zgjedhor, historinë e të cilit Joe Biden me siguri që e njeh mirë, gjë që nuk mund të thuhet për Presidentin Donald Trump.
Por, me siguri mund të thuhet se pavarësisht strategjisë elektorale të Joe Biden, edhe sot Presidenti Donald Trump vazhdon të jetë në garë.
Ende nuk ka folur Gjykata Supreme…
