Twitter politika, Rama: Opozita ëndërron katastrofën; Basha: Bashkë do të shërojmë Shqipërinë!

Pasi Kryetari i PD, Lulzim Basha, e cilësoi situatën e krijuar nga keqmenaxhimi me pandeminë si katastrofë e cila duhet të marrë fund, reagoi Kryeministri Edi Rama jo duke dhënë rrugëzgjidhje por duke akuzuar:

“Kur ju them këta ëndërrojnë katastrofën, asfiksinë, vdekjen e sa më shumë shqiptarëve dhe timen mundësisht, kujtoni se bëj politikë! Jo, them vetëm të vërtetën e hidhur, siç e thotë vetë, kjo video e neveritshme e postuar nga Lulëzim Basha! Çfarë politike e mjerë!”, thekson Edi Rama në reagimin e tij përmes rrjetit social Twitter dhe nuk ka se si mendon ndryshe një njeri që shikon vetëm ERTV-n, dhe përgjigjen do ta merr nga lideri i opozitës i cili i tregon se si do ta shërojmë Shqipërinë:

“Bashkë do ta mposhtim Ramën, do të shërojmë Shqipërinë, do të ndihmojmë familjet shqiptare dhe ekonominë e do të sjellim shpresë të re për vendin!”

Ndryshe, situatën e krijuar nga keqmenaxhimi me pandeminë, Kryetari i Patisë Demokratike, Lulzim Basha, e cilësoi si katastrofë e cila duhet të marrë fund ndërsa Kryeministri Edi Rama si fajtori i krijimit të kësaj situate duhet të largohet, reagim i cili u shoqërua dhe me një video e cila siç duke nxiti dhe centrifugën e twitter politikës e cila u fik ashtu siç filloi, me asgjë dhe pa zgjidhje!