“Shoku Rama, Vlora të do shumë mos ça kokë se ça thotë ai matufi!”

Gjatë inspektimit në dy kantieret e reja të ndërtimit në qytetin e Vlorës, Parku i Shtëpisë së Pavarësisë dhe zgjatja e Transballkanikes deri tek porti, Kryeministrit Edi Rama ndonëse 8 vjet në pushtet vazhdon dhe thotë edhe sot se Vlora do të ketë një port të ri me standarde ndërkombëtare

“Dy zhvillime që lidhen me transformimin e madh të portit të qytetit në një port turistik, me hotele, restorante, dyqane, rezidenca të reja dhe spostimin e portit të mallrave tek Triporti, ku do të kemi një port të ri me standarde ndërkombëtare – dy investime masive këto që do ta çojnë Vlorën turistike një hap të madh përpara, duke ndikuar ndjeshëm në ekonomi, punësim e imazhin e saj ndërkombëtar,” thekson Edi Rama duke publikuar këtë inspektim në rrjetet sociale dhe pse flet kot e ilustron me faktin se edhe këto lloj çmendurish ka njerëz që i besojnë.

“Shoku Rama, suksese. Vlora të do shumë mos ça kokë se ça thotë ai matufi,” i thotë një rilindase e devotshme vlonjate e cila falë zotit e pa dhe në katër sy njeriun që premtoi dhe vazhdon ta përsëris se Vlora do të bëhet.

TIME CODE: 07:56

Qytetarja: Edi Rama është ky?
Rama: Jo, po ça ti them? T’i çoj ndonjë fjalë?
Qytetarja: Bëj të fala
Rama: Patjetër
Qytetarja: Dola të të shoh nga afër se të shoh gjithnjë në televizor
Rama: Epo jam cik si i mbuluar tani se ca të bëjmë do mbrojmë veten dhe njëri tjetrin.
Qytetarja tjetër: Shoku Rama, suksese. Vlora të do shumë mos ça kokë se ça thotë ai matufi.
Rama: Po lëre mo atë çke me atë ti, ai s’di not ta kam thënë