Pas 7 vitesh shkatërrimi nga Rama, Basha zotohet: Ndryshimin, bashkë do ta bëjmë realitet!

Pas akuzave nga foltorja e parlamentit që renditi Kryeministri Edi Rama në adresë të opozitës për denoncimet me të sëmurë nëpër korridoret e spitaleve, të infektuar pa kujdes që vetëvriten dhe numrin e testeve të pamjaftueshme, reagon Kryetari i Partisë Demokratike, Lulzim Basha, duke i bërë thirrje qytetarëve që të përfëtyrojnë një qeveri që punon për njerëzit sepse pas 7 vitesh të shkatërrimit të ekonomisë dhe shëndetësisë nga Edi Rama, mund dhe do të jetë ndryshe!

“Përfytyroni një qeveri që punon për njerëzit, që jep ndihmë financiare për çdo familje. Një qeveri që ka një plan kundër pandemisë, që investon tek shëndetësia,” thekson Lulzim Basha në reagimin e tij përmes rrjetit social Facebook duke u zotuar para qytetarëve se bashkë, ndryshimin do ta bëjnë realitet:

“Pas 7 vitesh plot dështime, ku Rama vetëm e shkatërroi ekonominë dhe shëndetësinë, shumëkush priret të mendojë se nuk mund të jetë ndryshe. Por e vërteta është se mund dhe do të jetë ndryshe – bashkë ne do ta bëjmë realitet!”