“Basha ka punuar kundër UÇK-së”, Ish-zyrtari i UNMIK: Marrëzi! Kontributi i tij…

Drejtori i Institut të Ligjeve në Kosovë, Ehat Miftaraj, si Ish-zyrtar i UNMIK-ut i ka cilësuar marrëzi akuzat ndaj Lulzim Bashës, se dikur si hetues i UNMIK ka fshehur prova, ka arrestuar luftëtarë kosovarë apo ka njollosur UÇK ndërsa ka veçuar kontributin e jashtëzakonshëm të tij në formimin e Ministrisë së Drejtësisë dhe Ministrisë së Punëve të Brendshme në Kosovë dhe kalimin e kompetencave nga UNMIK.

“Lufta speciale ndaj Lulëzim Bashës është luftë politike para zgjedhjeve në Shqipëri në mes të Partisë Socialiste dhe Partisë Demokratike. Shumë të pavërteta, shumë njollosje, shumë politikë, orkestrim dhe qerim i hesapeve personale,” thekson Ehat Miftaraj dhe si ish-zyrtar i Divizionit të Politikave Ligjore në Departamentin e Drejtësisë në UNMIK thotë se shumica e ndërkombëtareve në këtë Department, vetëm për faktin se ka qenë Lulëzim Basha shqiptare i Shqipërisë e kanë kontestuar në vazhdimësi profesionalizmin e tij:

“Të vetmën pikë që e kanë kontestuar me xhelozi të tmershme ka qenë se anon nga shqiptarët dhe kjo ndikon në pavarësinë dhe paanshmërinë e tij në punë,” thekson Miftaraj në reagimin e tij përmes rrjetit social Facebook duke përfunduar:

“Kontributi i Bashës në formimin e Ministrisë së Drejtësisë dhe Ministrisë së Punëve të Brendshme në Kosovë dhe kalimin e kompetencave nga UNMIK ka qenë i jashtëzakonshëm. Basha për gjithçka mundet mu akuzu, ama me akuzu se ka punu kundër UÇK është marrëzi.”

Ndryshe, në prag të dështimit të negociatave me BE dhe me fillimin e fushatës së 25 Prillit, makineria propgandistike e Edi Ramës ka inicuar një fushatë linçuese kundër kryetarit të PD, Lulzim Basha, gjoja për rolin e tij në stisjen e akuzave ndaj UÇK-së. Ndonëse kemi të bëjmë me akuza të tipit të sigurimit absurditeti i tyre theksohet edhe më shumë kur në krye të këtyre akuzave qëndron antikosovari më i madh shqipfolës, Edvin Kristaq Rama!

Statusi i plotë:

Lufta speciale ndaj Lulëzim Bashës është luftë politike para zgjedhjeve në Shqipëri në mes të Partisë Socialiste dhe Partisë Demokratike.

Shumë të pavërteta, shumë njollosje, shumë politikë, orkestrim dhe qerim i hesapeve personale.

Prej fillimit të vitit 2005 deri në gusht 2007 kam punuar në Divizionin e Politikave Ligjore në Departament të Drejtësisë në UNMIK.

Kush e din si ka funksionuar Departamenti i Drejtësisë në UNMIK, e din se ka pasur shumë luftë dhe xhelozi mes shefave të divizioneve në këtë department, shtyllës së parë të UNMIK dhe Zyrës së PSSP-së.

Shumica e ndërkombëtareve në Department të Drejtësisë në UNMIK vetëm për faktin se ka qenë Lulëzim Basha shqiptare i Shqipërisë kanë pasur xhelozi të jashtëzakonshme ndaj të njejtit dhe ia kanë kontestuar në vazhdimësi profesionalizmin e tij me argumentin se i njejti është shqiptar dhe është i njëanshëm në raport me shqiptarët e Kosovës.

Të vetmën pikë që e kanë kontestuar me xhelozi të tmershme ka qenë se anon nga shqiptarët dhe kjo ndikon në pavarësinë dhe paanshmërinë e tij në punë.

Kontributi i Bashës në formimin e Ministrisë së Drejtësisë dhe Ministrisë së Punëve të Brendshme në Kosovë dhe kalimin e kompetencave nga UNMIK ka qenë i jashtëzakonshëm.

Basha për gjithçka mundet mu akuzu, ama me akuzu se ka punu kundër UÇK është marrëzi.