“Qeveria s’është në anën tonë”, Basha me biznesin: Leva numër një për ta nxjerrë Shqipërinë nga kriza ekonomike është…

Qeveria s’është në anën tonë, se Shqipëria do hante me lugë floriri, tha pronari i njërës prej fabrikave më të mëdha të prodhimit të letrës në Shqipëri, Bardhyl Baltëza gjatë një takimi me Kryetarin e Partisë Demokratike, Lulzim Basha, i cili nga ana e tij e sigurioi se prioriteti numër një dhe leva numër një për ta nxjerrë Shqipërinë nga kriza ekonomike është mbështetja e drejtpërdrejtë për sipërmarrjen e tij dhe në veçanti për sipërmarrjen prodhuese, duke bërë të mundur që prodhimet shqiptare të jenë konkurruese në tregun rajonal dhe në tregun europian.

Sipërmarrësi evidentoi disa nga problemet që e shqetëson në punën e tij të përditshme, ndërsa u ndal tek çmimi i lartë naftës, dritave, ujit dhe shumë e shumë shpenzimeve të tjera. Të gjitha këto shpenzime sipas Baltëzës, rrisin kostot e prodhimit, duke ulur fitimin dhe rënduar akoma dhe më tepër pozitën ekonomike të biznesit shqiptar. Por Basha edhe me këtë rast tha se mbetemi të vendosur për atë platformë që e kemi diskutuar edhe më parë së bashku me biznesin, dhe të çmimit të naftës dhe të çmimit të energjisë konkurrent në rajon dhe jo më të lartin siç është sot.

“Dhe të paguash 12 lekë kilovatin e energjisë elektrike, ju merreni me mend kur të tjerët e paguajnë 5 cent. Të gjithë rajoni e paguan 5 cent, bile për disa rajone disa vende kanë dhe subvencionime. Na vjen keq për një gjë se duke na mbajtur në këtë gjendje nuk rrisim dot rrogat e punëtorëve, ky është problem kryesor në Shqipëri, domethënë nuk është vetëm problemi i imi kryesor. Kostot e shpenzimeve rriten çdo ditë, çdo ditë aq më tepër sot na thonë tani që ne mbetjet, ne pak mbetje kemi, nuk kemi ndonjë kush e di se ca, po që të çojmë një kamion në landfill në Tiranë ne duhet të paguajmë 50 euro për ton transportin, edhe 50 euro atje në hyrje plus transportin, këto janë në kurriz të punës këtu. Ore nuk është problem që, hajde se paska njëri me paguar, problem është i rritjes së kostove fiktive atyre parave që harxhohen për kot se në fund, në fund të gjitha këto janë paratë e shqiptarëve të shtetit shqiptar edhe duhet të mundohemi t’i shpenzojmë në mënyrë të tillë që të jetë më efektivitet jo kot rrit për hiç gjë kot,” u shpreh sipërmarrësi Bardhyl Baltëza duke përfunduar.

“Le të shpresojmë që do ndërrojë kjo filozofi e keqe që ekziston në Shqipëri, se nuk jam vetëm unë, ka njerëz të tjerë që punojnë jashtëzakonisht shumë dhe vështirë, por fatkeqësisht kemi dhe një të shkuar të keqe, dhe kjo është e ardhmja, kjo është puna, kjo është jeta. Qeveria s’është në anën tonë, se Shqipëria do hante me lugë floriri.“

Duke vlerësuar punën shumëvjeçarë të kësaj sipërmarrje në Durrësit, Basha përsëriti propozimet që Partia Demokratike ka ofruar tashmë prej disa javësh në ndihmë të biznesit prodhues ndërsa ritheksoi premtimin për taksën e sheshtë 9 % dhe atë për sigurimet shoqërore 18 %, teksa një ndër vendimet kryesore të qeverisë re do të jetë ulja e çmimit të naftës, si një masë që do të ulë ndjeshëm koston për biznesin.

“7 vjet krizë ekonomike janë rënduar për shkak të pandemisë dhe natyrisht për Durrësin janë rënduar edhe për shkak të tërmetit. Ka ardhur koha që të kemi një qeveri që të gjithë vëmendjen energjinë, financat, masat, planet strategjinë, t’ia kushtojë ekonomisë, t’ia kushtojë shëndetit shqiptarëve. Ndaj dua t’ju them që për mua dhe Partinë Demokratike, prioriteti numër një dhe leva numër një për ta nxjerrë Shqipërinë nga kriza ekonomike është mbështetja e drejtpërdrejtë për sipërmarrjen e tij dhe në veçanti për sipërmarrjen prodhuese, duke bërë të mundur që prodhimet shqiptare të jenë konkurruese në tregun rajonal dhe në tregun europian, dhe për këtë mbetemi të vendosur për atë platformë që e kemi diskutuar edhe më parë së bashku me kolegët tuaj, dhe të çmimit të naftës dhe të çmimit të energjisë konkurrent në rajon dhe jo më të lartin siç është sot, të taksës së sheshtë 9% sa i përket biznesit prodhues siç jeni ju. Kemi propozuar për këdo që është hequr nga puna, ti s’ke hequr njeri por të tjerët janë detyruar të heqin njerëz nga puna, t’u japim nga një 200 mijë lekë të vjetra në muaj me kushtin që t’i rimarrin në punë. Për kreditë që je i detyruar të marrësh, në qoftë se merr kredi për të paguar punëtorët gjithçka për sa i përket interesit paguhet nga shteti, pra do t’i marrësh me 0 interes,” tha Kryetari i PD, Lulzim Basha, duke përfunduar:

“Ju falenderoj shumë dhe masat që kemi parashikuar në programin tonë shpresoj që do të jenë konkrete, të prekshme e t’ju japë ndihmën që ju meritoni. Mos t’ju lëmë vetëm, se e vështirë në këto kushte është të mbash një familje me katër veta, jo më një familje me 160 veta siç po mbani ju, për të cilën edhe njëherë ju shpreh respektin dhe admirimin tim, dhe ju siguroj që nesër do keni mbështetjen e shtetit.”